21:11, 10 - ماۋسىم 2024 | GMT +5
بالاما بەرگەنشە ءباس تىگەيىن: اقتاۋدا اليمەنت بورىشكەرى 45 ميلليون تەڭگەسىن بۋكمەكەرگە جۇمساعان
اقتاۋ. KAZINFORM - پروكۋرورلار اليمەنت تولەمەي جۇرگەن 13 بورىشكەردىڭ 73,3 ميلليون تەڭگە كىرىستى جاسىرعانىن انىقتادى.

اتاپ ايتقاندا، اليمەنت بويىنشا بورىشكەر ا. 2023-2024 -جىلدارى بۋكمەكەرلىك كەڭسەدەگى جەكە شوتىنا ءباس تىگۋ ءۇشىن 45,7 ميلليون تەڭگە سالعان.
اتقارۋشىلىق قۇجات بويىنشا 2,5 ميلليون تەڭگە بەرەشەگى بولسا دا، ول سىرت كوزگە ءوز مىندەتىن ورىنداپ جاتقانىن كورسەتۋ ماقساتىندا 85 مىڭ تەڭگە جالاقىعا جۇمىسقا فورمالدى عانا ورنالاسقان.
اتالعان فاكت بويىنشا پروكۋراتۋرا ق ر ق ك- ءنىڭ 139-بابىمەن تەرگەۋ باستادى.
جىل باسىنان بەرى پروكۋرورلاردىڭ باستاماسىمەن 21 بورىشكەرگە قاتىستى تەرگەۋ باستالعان، 13 ءىس بويىنشا سوت ۇكىمى شىقتى، قالعاندارى تەرگەلۋدە.
پروكۋراتۋرا اليمەنت تولەمەۋدىڭ قۇقىقتىق سالدارى بار ەكەنىن قاتاڭ ەسكەرتەدى.