بالالارعا قاتىستى كيبەربۋللينگ فاكتىلەرىن قاراۋ ەرەجەسى بەكىتىلدى

استانا. KAZINFORM - ەلىمىزدە بالالارعا قارسى جاسالاتىن كيبەربۋللينگكە قاتىستى ارىز- شاعىمدى قاراۋدىڭ ناقتى ەرەجەلەرى بەكىتىلدى.

буллинг
Фото: Canva

مادەنيەت جانە اقپارات ءمينيسترىنىڭ بۇيرىعىنا، ياعني «ماس مەديا» تۋرالى زاڭنىڭ 40 - بابى 1- تارماعىنا سايكەس بالالارعا جاسالاتىن كيبەربۋللينگتىڭ الدىن الۋ جانە ونىمەن كۇرەستىڭ جولدارىن ىزدەيتىن ساراپشىلار توبى قۇرىلادى.

بالاعا قاتىستى كيبەربۋللينگ فاكتىسى تۋرالى ءوتىنىشتى اتا-اناسى نەمەسە زاڭدى وكىلى ۋاكىلەتتى ورگاننىڭ اتىنا جازباشا نەمەسە ەلەكتروندىق سيفرلىق قولتاڭبانىڭ كومەگىمەن ەلەكتروندىق قۇجات تۇرىندە قالدىرا الادى.

ءوتىنىشتى ساراپتاما توبى ءۇش جۇمىس كۇنى ىشىندە قارايدى. ءبىراق، ءوتىنىشتى دۇرىس قاراۋ ءۇشىن ماڭىزدى اقپاراتتى تالاپ ەتۋگە بايلانىستى 15 كۇنگە دەيىن ۇزارتىلۋى مۇمكىن.

بالاعا قاتىستى كيبەربۋللينگ فاكتىسى راستالعان جاعدايدا ۋاكىلەتتى ورگان ساراپتاما توبىنىڭ شەشىمى نەگىزىندە بۇقارالىق اقپارات قۇرالدارىنان نەمەسە ونلاين- پلاتفورمالاردان اقپاراتتى جويۋ جونىندە نۇسقاما جىبەرەدى.

مادەنيەت جانە اقپارات ءمينيسترىنىڭ اتالعان بۇيرىعى 2025 -جىلعى 28 - قاڭتاردا كۇشىنە ەنەدى.

ەسكە سالا كەتەيىك، 2023 - جىلى ەلىمىزدە بالالار كيبەربۋللينگىمەن كۇرەس ماقساتىندا ونلاين- پلاتفورمالار تۋرالى زاڭ قابىلداندى.

سوڭعى جاڭالىقتار