بالالارعا ءتولقۇجات جاساۋ قۇنى ەكى ەسە ارزاندادى

Фото: Kazinform
Фото: Kazinform

شىمكەنت. KAZINFORM - وتكەن جىلى شىمكەنتتە بالالارعا 23 مىڭنان استام ءتولقۇجات بەرىلدى.

بيىلعى 1- قاڭتاردان باستاپ بالاعا ءتولقۇجات دايىنداۋ ءۇشىن تولەنەتىن مەملەكەتتىك باج مولشەرى وزگەردى. ەگەر بۇرىن بالالار ءتولقۇجاتىنىڭ قۇنى 8 ا ە ك- ءتى قۇراسا، قازىر ەكى ەسە از تولەيدى. ەندى ونى دايىنداۋ ءۇشىن اتا-انالار 4 ا ە ك نەمەسە 14768 تەڭگە تولەيدى.

«قازاقستاندىقتار جەكە كۋالىكتى 16 جاستان باستاپ الاتىن بولسا، ءتولقۇجاتتى كەز كەلگەن جاستا الۋعا بولادى. بۇل قۇجاتتى راسىمدەۋ ءۇشىن مىندەتتى تۇردە ح ق ك و- عا جۇگىنۋ قاجەت. بالانىڭ ءتولقۇجاتىن راسىمدەۋ كەزىندە ونىڭ تۋۋ تۋرالى كۋالىگىن، اتا-اناسىنىڭ ءبىرىنىڭ جەكە كۋالىگىن جانە باج سالىعىن تولەۋ تۋرالى تۇبىرتەكتى ۇسىنۋ كەرەك»، - دەپ ءتۇسىندىردى «ازاماتتارعا ارنالعان ۇكىمەتتىڭ» شىمكەنت قالاسى بويىنشا فيليالىنىڭ PR- مەنەدجەرى التىناي تاتايەۆا.

بۇل رەتتە قىزمەتكە ءوتىنىش ءبىلدىرۋ ءۇشىن بالانىڭ اتا-اناسىنىڭ ءبىرى كەلۋى مىندەتتى. قىزمەت كورسەتۋدىڭ ستاندارتتى مەرزىمى - 15 جۇمىس كۇنى. الايدا، قوسىمشا تولەم جاساۋ ارقىلى بۇل پروتسەستى جەدەلدەتۋگە بولادى. شىمكەنت تۇرعىندارى پروتسەستى وسى ءادىس بويىنشا ءۇش كۇننەن ءبىر جۇمىس كۇنىنە دەيىن قىسقارتا الادى.

ايتا كەتەيىك، 2023-جىلى شىمكەنتتىك جاس تۇرعىندارعا 23 مىڭنان استام ءتولقۇجات بەرىلدى.

سوڭعى جاڭالىقتار