بالالار قاۋىپسىزدىگى: قۇرىلىس كومپانيالارى پاتەر تەرەزەلەرىنە ارنايى تور ورناتۋعا مىندەتتەلدى
قۇرىلىس كومپانيالارى تۇرعىن ۇيلەردىڭ تەرەزەلەرىنە ارنايى قورعانىس مەحانيزمدەرىن ورناتۋعا مىندەتتى بولادى.
بۇل تۋرالى ءماجىلىس دەپۋتاتى اسحات ايماعامبەتوۆ ءمالىم ەتتى، دەپ حابارلايدى Kazinform.
اتاپ ايتقاندا، بۇگىن ماجىلىستە ءبىلىم بەرۋگە قاتىستى قابىلدانعان زاڭدا كىشكەنتاي بالالاردىڭ تۇرعىن ءۇي تەرەزەلەرىنەن قۇلاۋىنا جول بەرمەۋ تەتىكتەرى قامتىلعان.
بۇل تۇرعىدا زاڭدا اياسىندا قۇرىلىس كومپانيالارى تەرەزەلەردى ارنايى قاۋىپسىزدىك مەحانيزمدەرىمەن نەمەسە قۇلىپتارمەن قامتاماسىز ەتۋگە مىندەتتەلدى.
«ءبىلىم بەرۋ ۇيىمدارىندا بۇل جۇمىس ىسكە اسىرىلىپ جاتىر. قازىر وسى پروبلەما تۇرعىن ۇيلەردەگى قاۋىپسىزدىككە قاتىستى. سوندىقتان بالالاردىڭ كوپقاباتتى ۇيلەردىڭ تەرەزەسىنەن قۇلاپ جاتىر، مۇنداي قايعىلى وقيعالار جيىلەپ كەتتى. ءبىز زاڭ شىعارۋشى بيلىك بولعاننان كەيىن، ءتيىستى نورمالاردى ەنگىزدىك. وسى نورما بويىنشا قۇرىلىس سالاتىندار تۇرعىن ۇيلەردىڭ تەرەزەلەرىن ارنايى قورعانىس تەتىكتەرىمەن قامتاماسىز ەتۋى ءتيىس. ياعني تۇرعىن ءۇي سالىنعان كەزدە وسى تالاپتار نازارعا الىنادى»، - دەدى دەپۋتات ماجىلىستە تىلشىلەر سۇراعىنا جاۋاپ بەرە وتىرىپ.
