«بالا- شاعاڭدى ويلا!» : وسكەمەن تۇرعىنىن قورقىتىپ، جەرىن تارتىپ العان الماتىلىق ۇستالدى

Қылмыс
Фото: Фото: ШҚО полиция департаментінен

الماتىدان وسكەمەن قالاسىنا كەلگەن كريميناليتەت وكىلى جەرگىلىكتى كاسىپكەردىڭ جەرىن تارتىپ الۋ ءۇشىن وتباسىنا كۇش كورسەتەتىنىن ايتىپ قورقىتقان، دەپ حابارلايدى Kazinform.

ش ق و- دا كريميناليتەت وكىلىن ۇستاۋ بويىنشا ارنايى وپەراتسيا جۇرگىزىلدى. بەلگىلى بولعانداي، 57 جاستاعى ەر ادام وسكەمەنگە الماتى قالاسىنان كەلگەن. وسىنداعى سىبايلاسىمەن بىرگە جەرگىلىكتى كاسىپكەردى بوپسالاعان.

«كاسىپكەرگە جانە ونىڭ وتباسىنا كۇش قولداناتىنىن ايتىپ قورقىتىپ، وعان تيەسىلى جەر تەلىمىن ءوز اتىنا اۋدارۋعا ماجبۇرلەدى. وبلىستىق پ د ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى مەن ش ق و بويىنشا ۇ ق ك دەپارتامەنتى بىرلەسىپ ەكى كۇدىكتىنى ۇستادى. ولاردىڭ ءبىرى ۋاقىتشا ۇستاۋ يزولياتورىنا قاماۋعا الىنعان. ونىڭ تۇرعىلىقتى ءۇيىن ءتىنتۋ بارىسىندا جەرگە قاتىستى قۇجاتتار تاركىلەندى»، - دەيدى وبلىستىق پ د باستىعى، پوليتسيا گەنەرال- مايورى ەرلان وماربەكوۆ.

ەكىنشى كۇدىكتى قولحاتپەن بوساتىلدى. اتالعان فاكتى بويىنشا ق ر ق ك- ءنىڭ 194-بابى 2-بولىگىنە (بوپسالاۋ) سايكەس سوتقا دەيىنگى تەرگەۋ امالدارى جۇرگىزىلىپ جاتىر.

Қылмыс
Фото: Фото: ШҚО полиция департаментінен

 

سوڭعى جاڭالىقتار