باكۋدە كاسپيدەگى اسكەري قىزمەت سالاسىنىڭ سەنىم شارالارى تالقىلاندى

баку
Фото: Азертадж

استانا. KAZINFORM - باكۋدە كاسپي تەڭىزى ماسەلەلەرى بويىنشا جوعارى دەڭگەيلى جۇمىس توبىنىڭ VII وتىرىسى ءوتتى.

كەلىسسوزدەرگە ازەربايجان، يران، قازاقستان، رەسەي جانە تۇرىكمەنستان دەلەگاتسيالارى قاتىستى. قازاقستان دەلەگاتسياسىن قازاقستان رەسپۋبليكاسى سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى، قازاقستان رەسپۋبليكاسىنىڭ كاسپي تەڭىزى ماسەلەلەرى بويىنشا ارنايى وكىلى زۋلفيا امانجولوۆا باسقاردى.

كەزدەسۋ بارىسىندا تاراپتار 2024 -جىلى كاسپي ايماعى الەمدىك ساياساتتىڭ نازارىندا بولاتىنىن، بۇل وسى اۋماقتاعى وقيعالاردىڭ جوعارى قارقىندىلىعىنا بايلانىستى ەكەنىن اتاپ ءوتتى.

كەزدەسۋگە قاتىسۋشىلار سونىمەن قاتار كاسپي تەڭىزىندە تىكەلەي بازالىق سىزىقتاردى قۇرۋ ادىستەرىن تالقىلادى.

تاراپتار ءوزارا ءىس-قيمىلدى نىعايتۋ جانە اعىمداعى سىن-قاتەرلەرگە جەدەل ارەكەت ەتۋ ماقساتىندا اعىمداعى جىلدىڭ ىشىندە توقسانىنا ءبىر رەت وتىرىس وتكىزۋگە كەلىستى.

جۇمىس توبىنىڭ كەلەسى وتىرىسى 24-27-ماۋسىمدا يران استاناسى تەگەراندا وتەدى.

سوڭعى جاڭالىقتار