Backstreet Boys توبىنىڭ استاناداعى كونسەرتى قالاي ءوتتى
استانا. KAZINFORM - ەلورداداعى «استانا ارەنا» ستاديونىندا اتى اڭىزعا اينالعان Backstreet Boys توبىنىڭ كونسەرتى ءوتتى، دەپ حابارلايدى Kazinform اگەنتتىگىنىڭ ءتىلشىسى.
استانا قالاسى اكىمدىگىنىڭ مالىمەتىنشە، قازاقستان استاناسىنداعى كونسەرتكە گەرمانيا، پولشا، فرانسيا، تۇركيا، فينليانديا، ليتۆا، ەستونيا، چەحيا، سەربيا، گرەكيا، ازەربايجان، رەسەي، وزبەكستان جانە تاعى باسقا 45 ەلدەن 12000 نان استام تۋريست كەلگەن.
كەشتى ۇيىمداستىرعان «استانا كونسەرت» كومپانياسى شاراعا «Total White» درەسس- كودىن جاريالادى. بۇل كونسەرتكە بىرلىك پەن ستيل اتموسفەراسىن سىيلادى.
كونسەرتتىڭ باستالۋى ءبىر جارىم ساعاتقا كەشىككەنىنە قاراماستان، كورەرمەندەر سۇيىكتى انشىلەرىن وتە جىلى قارسى الدى. توپ مۇشەلەرى قازاق تىلىندە العىس ايتىپ، كورەرمەندەرگە ريزاشىلىعىن ءبىلدىردى.
جانكۇيەرلەر مۋزىكانتتارعا گۇلدەر مەن ءداستۇرلى شاپاندار سىندى سىيلىقتار تارتۋ ەتتى.
كونسەرتكە مۇمكىندىگى شەكتەۋلى جاندار قاتىستى.
