ۇ ب ت: شىعارماشىلىق ماماندىققا تۇسەتىندەرگە ماڭىزدى 5 تالاپ
استانا. KAZINFORM - ۇ ب ت-دا شىعارماشىلىق باعىتتى تاڭداعاندار تەك ءبىر ج و و-عا ءوتىنىش بەرە الادى، دەپ حابارلايدى ق ر ع ج ب م ۇلتتىق تەستىلەۋ ورتالىعىنىڭ باسپا ءسوز قىزمەتى.
ۆەدومستۆونىڭ باسپا ءسوز قىزمەتىنىڭ تۇسىنىكتەمەسىنە سايكەس، ەگەر شىعارماشىلىق باعىتقا ءتۇسۋدى جوسپارلاساڭىز، ۇ ب ت-دا «قازاقستان تاريحى» جانە «وقۋ ساۋاتتىلىعى» پاندەرىن تاپسىراسىز.
شەكتى بال:
قازاقستان تاريحى - كەمىندە 5 بال؛
وقۋ ساۋاتتىلىعى - كەمىندە 3 بال.
تەستىلەۋ ۋاقىتى - 70 مينۋت.
- ال شىعارماشىلىق ەمتيحاندى تاڭداعان ج و و-دا تاپسىراسىز. ونىڭ فورماتى مەن كۇنىن ۋنيۆەرسيتەتتىڭ قابىلداۋ كوميسسياسىنان ناقتىلاۋدى ۇمىتپاڭىز. شىعارماشىلىق ەمتيحان ناتيجەسىمەن گرانت كونكۋرسىنا قاتىساتىن تالاپكەرلەر تەك ءبىر جوو مەن ءبىر ءبىلىم بەرۋ باعدارلاماسىن تاڭداي الادى، - دەلىنگەن ۇلتتىق تەستىلەۋ ورتالىعى تاراتقان اقپاراتتا.
ال بەس ءپان بويىنشا ۇ ب ت تاپسىرعان تالاپكەرلەر شىعارماشىلىق باعىتقا ءتۇسۋ ءۇشىن ۋنيۆەرسيتەتتە شىعارماشىلىق ەمتيحان تاپسىرا الادى. ءبىراق گرانت كونكۋرسىنا قۇجات تاپسىرعاندا بەس ءپان بويىنشا ۇ ب ت ناتيجەسىمەن نەمەسە شىعارماشىلىق باعىت بويىنشا قاتىسۋدىڭ ءبىرىن تاڭداۋى قاجەت.
بۇعان دەيىن جاڭا ۇلتتىق ءبىرىڭعاي تەستىلەۋدە بەس ءتۇرلى داعدى باعالاناتىنىن جازعانبىز.
