ب ق و- دا بوراندى كۇنى جوعالىپ كەتكەن ەر ادامنىڭ دەنەسى تابىلدى

باتىس قازاقستان وبلىسىندا بوراندا جوعالىپ كەتكەن ەر ادامنىڭ دەنەسى دالادان تابىلدى، دەپ حابارلايدى Kazinform.

ب ق و پوليتسيا دەپارتامەنتى باسپا ءسوز قىزمەتىنىڭ مالىمەتىنشە، مارقۇمنىڭ دەنەسىن تۇرعىن 24-قاراشا كۇنى ساعات 12.00-دە تەرەكتى اۋدانى اقجايىق اۋىلىنان 10 شاقىرىم جەردەن تاپقان.

«62 جاستاعى ەر ادامنىڭ دەنەسىندە كۇش قولدانۋ بەلگىلەرى جوق. قازىرگى ۋاقىتتا ادام ءولىمىنىڭ سەبەبىن انىقتاۋ ءۇشىن مۇردە سوت- مەديتسينالىق ساراپتاماعا جولداندى»، - دەپ حابارلادى ۆەدومستۆودان.

ەسكە سالا كەتەيىك، بۇدان بۇرىن ب ق و- دا بوراندا جوعالعان 62 جاستاعى ەر ادامنىڭ ۇشاقپەن ىزدەستىرىلىپ جاتقانىن جازعان بولاتىنبىز.

سونداي- اق ورال قالاسىندا ساياجاي تۇرعىندارى ەكى كۇن بويى جارىقسىز قالدى.

اۆتور

عايساعالي سەيتاق