ب ۇ ۇ جاھاندىق شارتى قازاقستان مەن ورتالىق ازياعا نە بەرەدى

استانا. KAZINFORM - سوڭعى 30 جىلدا ب ۇ ۇ قازاقستاندا ۇلتتىق، وڭىرلىك جانە جەرگىلىكتى دەڭگەيلەردە 400 دەن استام جوبانى ىسكە اسىردى. باستامالار تەڭسىزدىكتى ازايتۋ، ينستيتۋتتاردى جاڭعىرتۋ، ەكونوميكانى ءارتاراپتاندىرۋ جانە حالىقتىڭ وسال توپتارىن قولداۋ سياقتى سالالارعا قاتىستى.

وسى ماڭىزدى باستامالاردىڭ قاتارىنا «اتامەكەن» قازاقستان رەسپۋبليكاسىنىڭ ۇلتتىق كاسىپكەرلەر پالاتاسى رەسمي تۇردە بىرىككەن ۇلتتار ۇيىمىنىڭ جاھاندىق شارتىنا (ب ۇ ۇ ج ش) قوسىلدى.

ب ۇ ۇ ج ش - كورپوراتيۆتىك الەۋمەتتىك جاۋاپكەرشىلىك جانە تۇراقتى دامۋ سالاسىنداعى بيزنەسكە ارنالعان حالىقارالىق باستاما. ءوز قىزمەتىن قايىرىمدىلىققا باسا نازار اۋدارعان ب ۇ ۇ نەعۇرلىم ستراتەگيالىق ىسكەرلىك قاتىناستاردى قۇرۋعا كوشتى جانە بۇگىندە قازاقستاننىڭ 85 كومپانياسى (ونىڭ ىشىندە ۇ ك پ) ب ۇ ۇ ج ش مۇشەلەرى بولىپ تابىلادى. وتكەن جىلى 33 جاڭا كومپانيانىڭ ەنۋى وسى باستاماعا دەگەن قىزىعۋشىلىقتىڭ ارتقانىن كورسەتەدى. تۇراقتى دامۋ ماقساتتارىنا (ت د م) قول جەتكىزۋ ءۇشىن نەگىز بولا وتىرىپ، جوبا قازاقستان مەن بۇكىل ورتالىق ازيا ءوڭىرى ءۇشىن جاڭا مۇمكىندىكتەر اشادى.

«اتامەكەن» ۇ ك پ ب ۇ ۇ- نىڭ جاھاندىق شارتىنا قوسىلۋىنىڭ نەگىزگى اسپەكتىلەرىنىڭ ءبىرى - تۇراقتى دامۋدىڭ حالىقارالىق كۇن ءتارتىبى اياسىندا قازاقستاننىڭ ۇستانىمىن نىعايتۋ بولىپ تابىلادى. كليماتتىڭ وزگەرۋى، سۋ رەسۋرستارىنىڭ تاپشىلىعى جانە ەنەرگەتيكالىق قاۋىپسىزدىك ماسەلەلەرى سياقتى جاھاندىق سىن- قاتەرلەر جاعدايىندا قازاقستان وسى پروبلەمالاردى شەشۋگە باعىتتالعان ورتالىق ازياداعى بىرلەسكەن جوبالاردىڭ باستاماشىسى بولا الادى. بۇل وڭىرلىك ىنتىماقتاستىقتى كۇشەيتۋگە جانە جاھاندىق ەكونوميكاعا ينتەگراتسيالاۋ ءۇشىن جاڭا مۇمكىندىكتەر جاساۋعا مۇمكىندىك بەرەدى.

سونىمەن قاتار، ب ۇ ۇ- نىڭ جاھاندىق شارتى تۇراقتىلىققا باسا نازار اۋدارا وتىرىپ، ەلدىڭ ەكونوميكالىق دامۋى ءۇشىن قۋاتتى قۇرال بولادى. ب ۇ ۇ ج ش پلاتفورماسىنىڭ ارقاسىندا قازاقستاندىق كومپانيالار ۇزاق مەرزىمدى ءارى تۇراقتى ەكونوميكالىق ءوسۋدى قامتاماسىز ەتە وتىرىپ، ت دم- نى ءوز ستراتەگيالارىنا بىرىكتىرە الادى.

ب ۇ ۇ- نىڭ جاھاندىق شارتىنا قوسىلۋ قازاقستانداعى «جاسىل» ەكونوميكا مەن يننوۆاتسيالاردى دامىتۋ ءۇشىن دە جاڭا مۇمكىندىكتەر اشادى. ەكولوگيالىق باستامالاردى، تسيفرلىق تەحنولوگيالاردى جانە تۇراقتى بيزنەس تاجىريبەلەرىن ەنگىزۋ كومىرتەگى از ەكونوميكاعا كوشۋدى جەدەلدەتۋگە ىقپال ەتەدى.

بۇل ۇدەرىستە «اتامەكەن» ۇ ك پ ماڭىزدى ءرولى قازاقستاندىق بيزنەس- قاۋىمداستىق اراسىندا ب ۇ ۇ ج ش قاعيداتتارىن ۇيلەستىرۋ جانە ىلگەرىلەتۋ بولىپ تابىلادى.