ب ۇ ۇ بىتىمگەرلىك ميسسياسىنا قاتىسۋ الەم الدىنداعى بەدەلىمىزدى كوتەرۋگە كومەكتەستى - ەرلان قارين
استانا. KAZINFORM - مەملەكەتتىك كەڭەسشى ەرلان قارين قازاقستاندىق اسكەري قىزمەتشىلەردىڭ ب ۇ ۇ- نىڭ بىتىمگەرلىك ميسسياسىنا قاتىسۋىنا پىكىر ءبىلدىردى.
«بۇگىن پارلامەنت پالاتالارىنىڭ بىرلەسكەن وتىرىسىندا مەملەكەت باسشىسىنىڭ قازاقستاندىق اسكەري قىزمەتشىلەردى ب ۇ ۇ-نىڭ بىتىمگەرلىك ميسسياسىنا قاتىسۋعا جىبەرۋ تۋرالى ۇسىنىسى قولداۋ تاپتى. ب ۇ ۇ-نىڭ بىتىمگەرلىك قىزمەتىنە اتسالىسۋ - قازاقستاننىڭ سىرتقى ساياساتىنىڭ ماڭىزدى بولىگى. بۇل ءبىزدىڭ سوعىس پەن قاقتىعىستاردىڭ الدىن الۋعا قاتىستى بىرلەسكەن ءىس-ارەكەتكە قوسقان ۇلەسىمىز»، - دەپ جازدى مەمكەڭەسشى Telegram پاراقشاسىندا.
ونىڭ ايتۋىنشا، قازاقستان سوڭعى 10جىل كولەمىندە ب ۇ ۇ-نىڭ بىتىمگەرلىك وپەراتسيالارىنا قاتىسىپ كەلەدى.
«بۇل ەلىمىزدىڭ الەم الدىنداعى بەدەلىن كوتەرۋگە جانە ۇستانىمىن نىعايتۋعا كومەكتەستى. سونداي-اق ب ۇ ۇ مەن حالىقارالىق ارىپتەستەر تاراپىنان زور سەنىمگە يە بولدىق. اسكەري قىزمەتشىلەردىڭ ب ۇ ۇ- نىڭ بىتىمگەرلىك ميسسيالارىنا قاتىسۋى قارۋلى كۇشتەردىڭ الەۋەتى مەن تاجىريبەسىن ارتتىرۋعا، حالىقارالىق ىنتىماقتاستىق پەن سىرتقى رەسۋرستاردىڭ ارتىقشىلىقتارىن ءتيىمدى پايدالانۋعا مۇمكىندىك بەرەدى. ول دا - ماڭىزدى فاكتورلاردىڭ ءبىرى»، - دەيدى ەرلان قارين.
