ب ۇ ۇ باس حاتشىسى يراننىڭ يزرايلگە جاساعان شابۋىلىن قاتاڭ ايىپتادى
استانا. KAZINFORM - بىرىككەن ۇلتتار ۇيىمىنىڭ باسشىسى انتونيۋ گۋتەرريش «يران يسلام رەسپۋبليكاسىنىڭ يزرايلگە جاساعان اۋقىمدى شابۋىلىنان تۋىنداعان اۋىر شيەلەنىستى» قاتاڭ ايىپتادى. بۇل تۋرالى ب ۇ ۇ سايتى حابارلادى.
«مەن بۇل سوعىس قيمىلدارىن دەرەۋ توقتاتۋعا شاقىرامىن»، - دەدى ب ۇ ۇ باس حاتشىسى مالىمدەمەسىندە.
انتونيۋ گۋتەرريش «ايماقتاعى دەسترۋكتيۆتى شيەلەنىستىڭ قاۋپىنە» الاڭداۋشىلىق ءبىلدىردى.
ول بارلىق تاراپتاردى تاياۋ شىعىستاعى جاعدايدى ءىرى اسكەري قاقتىعىسقا اكەلەتىن كەز كەلگەن ارەكەتتەردەن اۋلاق بولۋ ءۇشىن بارىنشا ۇستامدى بولۋعا شاقىردى.
«مەن ايماقتىڭ دا، الەمنىڭ دە باسقا سوعىستى كوتەرە المايتىنىن بىرنەشە رەت اتاپ ءوتتىم»، - دەپ تۇيىندەدى ءسوزىن ب ۇ ۇ باسشىسى.
سەنبى كۇنى كەشكە باسپا ءسوز بەن رەسمي يزرايلدىك دەرەككوزدەردىڭ حابارلاۋىنشا، يران يزرايل باعىتىنا زىمىران مەن ۇشاق ۇشىردى.
اۆتور
ەركەجان سماعۇلوۆا
