ب ۇ ۇ باس حاتشىسى ا ق ش- تىڭ سىرتقى كومەكتى توقتاتۋىنا بايلانىستى شارا قابىلداۋعا شاقىردى
استانا. KAZINFORM - انتونيۋ گۋتەرريش بۇكىل الەمدەگى وسال قاۋىمداستىقتارعا اسەر ەتۋى مۇمكىن قاۋىپتەردىڭ الدىن الۋ ءۇشىن شۇعىل شارالار قابىلداۋعا شاقىردى، دەپ حابارلايدى ب ۇ ۇ جاڭالىقتار قىزمەتى.

بىرىككەن ۇلتتار ۇيىمىنىڭ باس حاتشىسى جاقىندا ا ق ش- تىڭ سىرتقى كومەكتى توقتاتۋ تۋرالى مالىمدەمەسىنە الاڭداۋشىلىق ءبىلدىردى.
- دامۋ جانە گۋمانيتارلىق كومەك باعدارلامالارى دامۋشى ەلدەردە كۇردەلى قيىندىقتارعا تاپ بولعان ميلليونداعان ادامدار ءۇشىن ومىرلىك تىرەك سانالادى، دەدى انتونيۋ گۋتەرريش.
ب ۇ ۇ باس حاتشىسى ا ق ش- تىڭ الەمدەگى ەڭ ءىرى كومەك كورسەتۋشىلەردىڭ ءبىرى رەتىندەگى شەشۋشى ءرولىن مويىنداپ، جاڭا اكىمشىلىكپەن ىنتىماقتاستىق قاجەتتىگىن اتاپ ءوتتى.
گۋتەرريشتىڭ شاقىرۋى قاقتىعىستاردىڭ شيەلەنىسۋىنەن، ەكونوميكالىق تۇراقسىزدىق پەن COVID-19 پاندەمياسىنىڭ اسەرىنەن تۋىنداعان جاھاندىق گۋمانيتارلىق قاجەتتىلىكتەردىڭ رەكوردتىق دەڭگەيى اياسىندا جاسالعانى اتالىپ ءوتتى.
بۇعان دەيىن اقش پرەزيدەنتى دونالد ترامپ باسقا ەلدەرگە دامۋعا كومەك كورسەتۋ باعدارلامالارىن 90 كۇنگە توقتاتۋ تۋرالى جارلىققا قول قويعانى حابارلانعان بولاتىن.