ب ا ءا- مەن كەلىسىم اياسىندا مەملەكەتتىك قىزمەتشىلەر كوشباسشىلىق باعدارلامالار بويىنشا وقىتىلادى
استانا. KAZINFORM - مەملەكەتتىك قىزمەت ىستەرى اگەنتتىگىنىڭ ءتوراعاسى دارحان جازىقباي دۋباي قالاسىندا وتكەن دۇنيەجۇزىلىك ۇكىمەتتەر سامميتىنە قاتىستى. بۇل تۋرالى اگەنتتىكتىڭ باسپا ءسوز قىزمەتى ءمالىم ەتتى.
سامميت اياسىندا مەملەكەتتىك سەكتورداعى پەرسونالدىڭ تيىمدىلىگى مەن باسەكەگە قابىلەتتىلىگىن ارتتىرۋ، HR پروتسەستەرىن ودان ءارى سيفرلاندىرۋ ماسەلەلەرى تالقىلاندى.
دارحان جازىقباي شەتەلدىك ارىپتەستەرىنە قازاقستاندا مەملەكەتتىك قىزمەت جۇيەسىن دامىتۋعا باعىتتالعان- «ادامعا باعدارلانعان» سەرۆيستىك سيپاتتاعى مەملەكەتتىك اپپاراتتى قالىپتاستىرۋ شارالارى جايلى ايتتى.
ول مەملەكەتتىك قىزمەتتە ادام رەسۋرستارىن جەتىلدىرۋ، HR قۇرالداردى ەنگىزۋ، «E-Qyzmet» جۇيەسى نەگىزىندە ىرىكتەۋ پروتسەستەرى مەن پەرسونالدى باسقارۋدى سيفرلاندىرۋ بويىنشا اگەنتتىكپەن جۇزەگە اسىرىلىپ جاتقان جوبالار مەن باستامالارعا دا توقتالدى.
م ق ءى ا ءتوراعاسى بىرىككەن اراب امىرلىكتەرىنىڭ لاۋازىمدى تۇلعالارىمەن ەكىجاقتى كەزدەسۋلەر وتكىزدى. سونىڭ ناتيجەسىندە مەملەكەتتىك باسقارۋدى ترانسفورماتسيالاۋ سالاسىنداعى تاجىريبە الماسۋ بويىنشا سەگىز ۇكىمەتارالىق باعىتتىڭ ءبىرى «الەۋەتتى ارتتىرۋ جانە كوشباسشىلىق» اياسىندا العاشقى «باسقارۋشىلاردىڭ كوشباسشىلىق باعدارلاماسى» ىسكە قوسىلدى.
باعدارلاما بويىنشا وقىتۋ بيىلعى جىلدىڭ ناۋرىز ايىنان باستالادى جانە 30 مەملەكەتتىك قىزمەتشى قامتىلادى دەپ جوسپارلانۋدا.
«سونىمەن قاتار اتالعان باعىت اياسىندا مەملەكەتتىك قىزمەتشىلەر ءۇشىن « Leaders Program executive Leaders Program» ،«Future Leaders Program» ، «Youth» اتتى ءۇش باعدارلاما بويىنشا تەگىن ونلاين وقىتۋ جۇرگىزىلەدى. سونداي- اق باعدارلامالاردا ق ر پرەزيدەنتىنىڭ جانىنداعى مەملەكەتتىك باسقارۋ اكادەمياسىندا جانە ب ا ءا- دە ءبىر اپتالىق وقۋ وتكىزۋ قاراستىرىلعان»- دەلىنگەن حابارلامادا.
كەزدەسۋ سوڭىندا تاراپتار مەملەكەتتىك قىزمەتشىلەرگە ارنالعان بىرلەسكەن ءبىلىم بەرۋ باعدارلامالارىن جۇزەگە اسىرۋداعى ىنتىماقتاستىقتى ودان ءارى دامىتۋعا دايىن ەكەندىكتەرىن ءبىلدىردى.
