ب ا ءا-دەگى ەلشى كەڭەسشىسىنىڭ ايەلى كارينا ماماش داعدارىس ورتالىعىندا

Жена советника посла Казахстана в ОАЭ находится в кризисном центре
فوتو: Instagram\nemolchikz_official

استانا. KAZINFORM - كارينا قازىرگى تاڭدا داعدارىس ورتالىقتارىنىڭ بىرىندە. ونىڭ پاتەرى بار، الايدا قازىر وندا ساكەن ماماشتىڭ تۋىستارى تۇرىپ جاتىر. بۇل تۋرالى دينا سمايلوۆا Instagram الەۋمەتتىك جەلىسىندەگى قوردىڭ پاراقشاسىنا جازدى.

«ءبىز كارينانىڭ اناسىمەن بايلانىستامىز. كارينانى تەرگەۋگە العان. اناسىنىڭ سوزىنشە وعان جۇيەسىز سۇراقتار قويعان. ماسەلەن، «ءسىز بالكىم ماس بولعان شىعارسىز»، «جەكە ادۆوكاتىڭىز بار ما»، «قازىر سىزگە قولداۋ كورسەتكەن بىرەۋ بار ما» دەگەن سىڭايلى ساۋالدار قويىلعان»، - دەپ جازدى دينا سمايلوۆا.

ونىڭ سوزىنشە، قور كاريناعا ادۆوكات تاۋىپ بەرگەن. جوسپار بويىنشا 10-مامىر كۇنى جۇمىسقا كىرىسۋى ءتيىس. ادۆوكات تابىلعانىن اناسىنا حابارلاعان، الايدا كارينانىڭ وزىنەن ءالى ەش حابار الا الماعان. بۇل ءىس قوردىڭ باقىلاۋىندا. ءارى قاراي كارينانىڭ وزىنەن جاۋاپ كۇتىپ وتىرعانى ايتىلعان.

«كارينا قازاقستانعا بالالارىمەن بىرگە ۇشىپ كەلگەن. ونىڭ اناسى مەن اپكەسى دە داعدارىس ورتالىعىنا ورنالاستىرىلعان. اناسى رەسەي فەدەراتسياسىنان ۇشىپ كەلدى. كارينا بالالارىمەن بىرگە وزگە داعدارىس ورتالىعىنا جاتقىزىلسا، اناسى مەن اپكەسى باسقا ورتالىقتا. داعدارىس ورتالىعى دەگەن بۇل - قوناق ءۇي نەمەسە جاتاحانا دا ەمەس. قور ماماندارى وسىنداي داعدارىس ورتالىعىنا ءتىپتى جيىرما ادامعا دەيىن ورنالاستىرعان جاعدايعا كۋا بولعان»، - دەپ جازعان قوردىڭ پاراقشاسىنا.

اۆتور
باقىتگۇل اباي قىزى

سوڭعى جاڭالىقتار