ازيالىق كەلبەتىمىزبەن-اق ادەمىمىز: قازاقتاردىڭ كوزى كوك بولعان با؟
استانا. قازاقپارات - Dope soz پودكاستىنىڭ اۆتورلارىنىڭ ءبىرى ارسەن تۇسىپبەكوۆ حالىقارالىق ەكسكۋرسيا جەتەكشىلەرى كۇنىنە وراي كونە تۇركى كەزەڭى تۋرالى ايتىپ بەردى، دەپ حابارلايدى BAQ. KZ.
ءىس-شارا استاناداعى ۇلتتىق مۋزەيدىڭ «جۇلدىزدى گيد» جوباسى اياسىندا «كونە تۇركى وركەنيەتى» زالىندا ءوتتى. كەڭ اۋديتورياعا عاسىرلار بويى ساقتالعان قۇندى تاريحي جادىگەرلەر مەن باي مۇرانى تانىستىرۋدى ماقسات ەتكەن ءىس-شاراعا ستۋدەنتتەر مەن ەلوردا جاستارى قۋانا قاتىستى.
سەنىمدەرىڭىزگە، كەلگەندەرىڭىزگە كوپ راقمەت. مەنىڭ بەيىندى ءبىلىمىم جوق جانە كونە تۇركى ۋاقىتى تاريحىمىزداعى ەڭ سۇيىكتى كەزەڭىم ەمەس، دەگەنمەن ەكسكۋرسيانى سىزدەرگە قىزىق بولاتىنداي جۇرگىزۋگە تىرىسامىن، - دەپ باستادى ءسوزىن تۇسىپبەكوۆ.
ول كونە تۇركى كەزەڭىن نەلىكتەن وركەنيەت دەپ اتالاتىنىن ءتۇسىندىردى. سونداي-اق ەرتەدە قازاقتاردىڭ كوزى كوك، شاشى سارى بولعان دەگەن ميف ەكەنىن تاريحي دەرەكتەرمەن نەگىزدەدى.
ءبىزدىڭ شاشىمىز بۇرىننان قارا، كوزىمىز قىسىڭقى. وسى ازيالىق كەلبەتىمىزبەن-اق ادەمىمىز، ءتىپتى مەن دە، - دەدى ول.
ارسەن تۇسىپبەكوۆ قازىرگى زاماندا دا بىرنەشە مەملەكەتتى بايلانىستىرىپ تۇرعان تۇرىك قاعاناتى تاريحىنىڭ ماڭىزدى وقيعالارىنا توقتالدى.
