ازيادا-2025: قازاقستاندىق شورت-ترەكشى قىزدار جارتىلاي فينالعا جولداما الدى
حاربين. قازاقپارت – 7-اقپاندا قىتايدىڭ حاربين قالاسىندا ءوتىپ جاتقان IX قىسقى ازيا ويىندارىنىڭ شورت-ترەكتەن العاشقى جارىس كۇنى باستالدى.
ايەلدەر اراسىنداعى 1500 مەترگە سىرعاناۋ جارىسىندا، الينا اجعاليەۆا، ولگا تيحونوۆا، مادينا جانبۋسينوۆا ونەر كورسەتتى. جارىس جولىنا العاشقى بولىپ شىققان الينا اجعاليەۆا 2 مينۋت 31.433 سەكۋند ناتيجەمەن جارتىلاي فينالعا جولداما الدى.
سونىمەن قاتار، مادينا جانبۋسينوۆا (2 مينۋت 35.696 سەكۋند) پەن ولگا تيحونوۆادا (2 مينۋت 35.294 سەكۋد) كەلەسى كەزەڭدە ونەر كورسەتەدى. سونداي-اق، قازاقستاندىق شورت-ترەكشىلەر بۇگىن ەرلەر مەن ايەلدەر اراسىنداعى 500 مەتر، 1000 مەتر جانە 2000 مەتر ارالاس كوماندالىق ەستافەتادا ونەر كورسەتەدى.
ەسكە سالايىق، ايتا كەتەيىك، IX قىسقى ازيا ويىندارى 2025 -جىلدىڭ 7-14-اقپانى ارالىعىندا قىتاي حالىق رەسپۋبليكاسى حەيلۋنتسزيان پروۆينتسياسىنىڭ حاربين قالاسىندا وتەدى.
سپورتشىلار 11 سپورت ءتۇرى بويىنشا 64 مەدال جيىنتىعىن ساراپقا سالادى.
اۆتور مۇحتار قاليموللا ۇلى
