ازيادا - 2023: ەل قورجىنىنا تاعى ءبىر جۇلدە ءتۇستى
قىتايدىڭ حاڭجوۋ قالاسىندا ءوتىپ جاتقان 19- ازيا ويىندارىندا قازاقستان قۇراماسىنىڭ قورجىنىنا كەزەكتى جۇلدە ءتۇستى، دەپ حابارلايدى قازاقپارات.
10 مەتردەن پنيەۆماتيكالىق ۆينتوۆكادان وقۋ اتۋدان ارالاس كوماندالىق سايىستا يسلام ساتپايەۆ پەن الەكساندرا لە قولا جۇلدەگە يە بولدى.
مەدال ءۇشىن كۇرەستە قازاقستان قۇراماسىنىڭ سپورتشىلارى يران كومانداسىن 17:11 ەسەبىمەن جەڭدى.
ەستەرىڭىزگە سالا كەتەيىك، كەشە نيكيتا چيريۋكين جىلدام اتىلاتىن تاپانشادان ازيادانىڭ قولا مەدالىن جەڭىپ العان بولاتىن.
«يسلام مەن الەكساندرانى ازيا ويىندارى جۇلدەسىمەن قۇتتىقتايمىن. ولار يراننان كەلگەن قارسىلاستارىن سەنىمدى تۇردە جەڭىپ، تاعى دا شەبەرلىكتەرىن كورسەتتى. وتاندىق وق اتۋ سپورتى قارقىندى دامىپ كەلەدى جانە مۇنداي جەتىستىكتەر وسىنىڭ جارقىن دالەلى»، - دەدى تۋريزم جانە سپورت ءمينيسترى ەرمەك مارجىقپايەۆ.
بۇگىن، 26 -قىركۇيەك كۇنى 19-ازيا ويىندارىندا كيبەرسپورتتان العاشقى مەدالدار جيناعى وينالاتىنىن جازعان ەدىك.
