ازيادا-2026: قادىربەك شىنبايەۆ ەل قورجىنىنا التىنشى التىن جۇلدە سىيلادى
ناگويا. KAZINFORM - قازاقستاندىق سپورتشى قادىربەك شىنبايەۆ ارالاس جەكپە- جەكتەن جاپونيادا ءوتىپ جاتقان ⅩⅩ جازعى ازيا ويىندارىنىڭ چەمپيونى اتاندى.
وتانداسىمىز ەرلەر اراسىندا (71 ك گ) زاماناۋىي ستيلدە ونەر كورسەتىپ، اقتىق سىندا تاجىكستان وكىلى حۋرشەدزودا بەحرۋزدەن 3:0 ەسەبىمەن باسىم ءتۇستى.
ايتا كەتەرلىگى، بۇل جۇلدە قازاقستان قۇراماسىنىڭ وسى ازياداداعى ەكىنشى التىن مەدالى. وسىعان دەيىن ەركىنعالي بۇركىتالين ءداستۇرلى ستيلدە 77 كەلى سالماقتا توپ جارعان بولاتىن.
قازاقستان قۇراماسى قازىرگى ۋاقىتتا 6 التىن، 1 كۇمىس جانە 5 قولا مەدالمەن جالپى ەسەپتە ءتورتىنشى ورىندا كەلە جاتىر.
وسىعان دەيىن حابارلاعانىمىزداي، بەللا ساماشيەۆا كاراتەدەن ازيا ويىندارىنىڭ قولا جۇلدەگەرى اتاندى.
مۇحتار قاليموللا ۇلى
