ازيا ويىندارىىندا قازاقستاندىق بوكسشى العاشقى قارسىلاسىن ايقىن باسىمدىلىقپەن ۇتتى
قىتايدىڭ حانجوۋ قالاسىندا ءوتىپ جاتقان ازيا ويىندارىندا الەم چەمپيونى ماحمۋد سابىرحان كەلەسى كەزەڭگە ءوتتى، دەپ حابارلايدى قازاقپارات ءتىلشىسى.

قازاقستاندىق بوكسشى 57 كەلىگە دەيىنگى سالماقتا 1/16 فينالدا وڭتۇستىك كورەيالىق يچان ليمەن قولعاپ ءتۇيىستىردى.
ماحمۋد بيىل تاشكەنتتە وتكەن الەم بىرىنشىلىگىندە 54 كەلىگە دەيىنگى سالماقتا ۇزدىك شىققان ەدى.
ءبىرىنشى راۋندتا بەس تورەشىنىڭ تورتەۋى باسىمدىقتى قازاق بوكسشىسىنا بەردى. ەكىنشى كەزەڭدە قارقىنىن ۇدەتكەن ماحمۋد قارسىلاسىن نوكداۋنعا جىبەردى. ءۇشىنشى راۋندتا دا ەش مۇمكىندىك قالدىرعان جوق. ەسەپ - 5:0.
وسىلايشا، ماحمۋد سابىرحان 1/8 فينالعا جولداما الدى. ول جارتىلاي فينالعا شىعۋ ءۇشىن سولتۇستىك كورەيالىق بوكسشىمەن تالاسادى.
ەسكە سالا كەتەيىك، بۇدان بۇرىن ساكەن بيبوسىنوۆتىڭ ازيا ويىندارىندا العاشقى جەڭىسىنە قول جەتكىزگەنىن جازعان بولاتىنبىز.
ازيا ويىندارىندا قازاقستان ەرلەر قۇراماسى نىسانا كوزدەۋدەن كۇمىس مەدال الدى.
تەننيسشى دەنيس ەۆسەيەۆ ازيا ويىندارىنىڭ شيرەك فينالىنا شىقتى.