ازيا ويىندارىنا كيىم تىككەن كومپانيالار «قارا تىزىمگە» ەنۋى مۇمكىن
قىتايدىڭ گۋاڭجوۋ قالاسىندا ءوتىپ جاتقان 19- ازيا ويىندارىنا قاتىسۋشى قازاقستاندىق سپورتشىلاردىڭ كيىم تىككەن كومپانيالار جوسىقسىز جەتكىزۋشىلەر تىزىمىنە كىرگىزىلۋى مۇمكىن، دەپ حابارلايدى قازاقپارات ءتىلشىسى.
قارجى مينيسترلىگى ىشكى مەملەكەتتىك اۋديت كوميتەتى ءتوراعاسىنىڭ ورىنباسارى رەناد احمەتوۆ قازاقپارات ءتىلشىسىنىڭ ساۋالىنا بەرگەن جاۋابىندا وسىنداي مالىمەت ايتتى.
«زاڭنامادا كەلىسىمشارتتاعى مىندەتتەمەلەردى ساپاسىز ورىنداعانى ءۇشىن تاپسىرىس بەرۋشى جەتكىزۋشىنىڭ ۇستىنەن جوسىقسىز ورىنداۋشىلار تىزىمىنە ەنگىزۋ تۋرالى سوتقا جۇگىنە الادى. تاپسىرىستىڭ ساپاسىز ورىندالعانى دالەلدەنسە، سوت جوسىقسىز جەتكىزۋشىلەر تىزىمىنە كىرگىزۋ تۋرالى شەشىم شىعارادى. سوت شەشىمى زاڭدى كۇشىنە ەنگەننەن كەيىن جەتكىزۋشى تىزىمگە ەنەدى دە، پورتالداعى ارەكەتتەرى بۇعاتتالادى. بۇدان ءارى ول جەتكىزۋشى ساتىپ الۋ پروتسەستەرىنە قاتىسا المايدى»، - دەدى رەناد احمەتوۆ.
