12:05, 08 - قازان 2023 | GMT +5
ازيا ويىندارى: قازاقستان قۇراماسى جۇلدە سانى جونىنەن العاشقى بەستىككە كىردى
قىتايدىڭ حاڭجوۋ قالاسىندا وتكەن ازيا ويىندارىنىڭ قورىتىندى ناتيجەسى بويىنشا قازاقستان قۇراماسى 80 مەدال الىپ، جۇلدە سانى جونىنەن العاشقى بەستىككە كىردى، دەپ حابارلايدى قازاقپارات ءتىلشىسى.

ەل قۇراماسى ەكى اپتادان استام ۋاقىت بويى 80 مەدال (10 «التىن»، 22 «كۇمىس»، 48 «قولا») ەنشىلەدى. بۇل جونىنەن قازاقستاندىق سپورتشىلار جالپى كوماندالىق ەسەپتە بەسىنشى ورىنعا جايعاستى.
ال وزبەكستان قۇراماسى 71 مەدال (22-18-31) الىپ، التىنشى ورىنعا تابان تىرەدى.
مەدالدار كەستەسىندەگى ۇزدىك وندىقتاعى قۇرامالار:
1.قىتاي - 383 (201-111-71)
- وڭتۇستىك كورەيا - 190 (42-59-89)
- جاپونيا - 188 (52-67-69)
- ءۇندىستان - 107 (28-38-41)
- قازاقستان - 80 (10-22-48)
- وزبەكستان - 71 (22-18-31)
- قىتايلىق تايبەي - 67 (19-20-28)
- تايلاند - 58 (12-14-32)
ەسكە سالساق، بۇگىن ازيا ويىندارىندا كاراتەشى ءمولدىر جاڭبىرباي كۇمىس مەدال الدى.
سونداي-اق، قازاقستاندىق سپورتشىلار ارتيستىك جۇزۋدەن كوماندالىق سايىستا قولا جۇلدەگەر اتاندى.