ازيا ويىندارى: بۇگىن كىمدەر سايىسقا تۇسەدى

 قازاقستاندىق كاراتە جانە دجيۋ-دجيتسۋ شەبەرلەرى قىتايدىڭ حاڭجوۋ قالاسىندا ءوتىپ جاتقان ازيا ويىندارىندا ويىن كورسەتۋىن باستادى، دەپ حابارلايدى قازاقپارات ءتىلشىسى. 

Азия ойындары: Қазақстан құрамасы медальдар кестесінде қай орында тұр
Фото: Фото: Olympic.kz

بۇگىن، 5-قىركۇيەكتە ەل قۇراماسىنان نۇرقانات ءاجىقانوۆ ءدۇبىرلى دوداداعى العاشقى جەكپە-جەگىندە نەپالدىق قارسىلاسىمەن باسەكەگە تۇسەدى. ال قازاقستاندىق لاۋرا ءالىقۇل جارتىلاي فينالدا سايىسقا تۇسەدى.

سونداي-اق، دجيۋ-دجيتسۋ سپورتىنان الديار سەرىك، مانسۇر حابيبۋللا، دارحان نورتايەۆ، نۇرجان باتىربەكوۆ، نازگۇل راحايەۆا، اسەمحان يساحانوۆا ازياداداعى باستاپقى كەزەڭدەردەگى سايىستارىن وتكىزەدى.

وعان قوسا گرەك-ريم كۇرەسىنەن يسلام ۋمايەۆ پەن ءالىمحان سىزدىقوۆ شيرەك فينال جولداماسىن ساراپقا سالادى.

ايەلدەر كۇرەسىنەن سۆەتلانا انكيچيەۆا، مارينا سەدنيەۆا جانە ەمما تيسينا بوز كىلەمگە شىعادى.

ايتا كەتسەك، بۇگىن بوكستان ەرلەر مەن ايەلدەر اراسىندا باسەكەلەر بولادى. ەل قۇراماسىنان قامشىبەك قوڭقابايەۆ (92 كەلىدەن جوعارى) جانە كارينا يبراگيموۆا (57 كەلى) فينالدا ويىن كورسەتەدى.

قازاقستاندىق ۆەلوشاباندوزدار الەكسەي لۋسەنكو، ەۆگەني فەدوروۆ، دميتري گرۋزديەۆ جانە گلەب برۋسەنسكي توپتىق سايىستا سىنعا تۇسەدى.

قازاقستاندىق سپورتشىلار ەسۋ سلالومىندا سايىسقا تۇسسە، گاندبولدان قازاقستان ايەلدەر قۇراماسى 3 ورىن ءۇشىن قىتايمەن وينايدى.

بۇگىن جەڭىل اتلەتيكا باعدارلاماسى اياقتالادى.

قازىر ەل قۇراماسى ەنشىسىندە 51 مەدال (5 التىن، 11 كۇمىس، 35 قولا) بار. مەدالدار كەستەسىندە 13-ورىندا تۇر.

بۇل جونىنەن قىتاي 314 مەدال الىپ، (169 التىن، 94 كۇمىس، 51 قولا) كوش باستاعان. ودان كەيىنگى ورىندار جاپونيا (147 مەدال: 37 التىن، 51 كۇمىس، 59 قولا)، وڭتۇستىك كورەيا (146 مەدال: 33 التىن، 45 كۇمىس، 68 قولا) ەنشىسىندە.

سوڭعى جاڭالىقتار