ازيا ويىندارىندا قازاقستان قورجىنىنا دزيۋدودان كەزەكتى كۇمىس مەدال ءتۇستى
استانا. KAZINFORM - جاپونيانىڭ ايچي پرەفەكتۋراسى مەن ناگويا قالاسىندا ءوتىپ جاتقان جازعى ازيا ويىندارىندا قازاقستان قورجىنىنا دزيۋدودان كەزەكتى كۇمىس مەدال ءتۇستى، دەپ حابارلايدى ق ر تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ باسپا ءسوز قىزمەتى.
وتانداسىمىز اجار اسحات 70 ك گ دەيىنگى سالماقتىڭ فينالىندا جارىس قوجايىنى رين ماەدامەن كىم مىقتىنى انىقتادى. شيەلەنىستى بەلدەسۋدە اجار قارسىلاسىنا ەسە جىبەردى.
بۇگىن ناگويادا 21 جاستاعى قازاق دزيۋدوشىسى تاتاميدە تايلاند، تايپەي جانە موڭعوليا سپورتشىسىن ۇتتى.
وسىعان دەيىن ەسميگۋل كۋيۋلوۆا ەكىنشى رەت دزيۋدودان ازيادانىڭ قولا جۇلدەسىن العان بولاتىن.
