ازيا پارا ويىندارىنا قاتىسۋشىلار سانى ارتىپ كەلەدى

سپورت سالاسىنداعى زاڭنامالىق وزگەرىستەر سپورتشىلاردى حالىقارالىق جارىستاردا سۇيەمەلدەۋگە جانە سۇيەمەلدەۋشىلەردىڭ شىعىندارىن قارجىلاندىرۋعا مۇمكىندىك بەردى.

بۇل تۋرالى تۋريزم جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ باسقارما باسشىسى مارات قاسكەربايەۆ ايتتى.

- بۇگىندە قازاقستان ۇلتتىق قۇراماسىنىڭ سپورتشىلارى جاپونيادا ءوتىپ جاتقان ازيا پارا ويىندارىندا ەل نامىسىن قورعاپ جاتىر. ءتورت جىلدا ءبىر رەت ۇيىمداستىرىلاتىن دوداعا قاتىساتىن وتاندىق سپورتشىلاردىڭ سانى ارتىپ كەلەدى. اتاپ ايتقاندا، IV ازيا پارا ويىندارىندا ەلىمىزدىڭ اتىنان 131 سپورتشى ونەر كورسەتسە، بيىلعى باسەكەدە 150 سپورتشى باق سىناۋدا. بۇل كورسەتكىشتەر ەلىمىزدە پارا سپورت تۇرلەرىنىڭ قارقىندى دامىپ كەلە جاتقانىن جانە سپورتشىلارعا جاسالىپ جاتقان مۇمكىندىكتەردىڭ كەڭەيە تۇسكەنىن كورسەتەدى. ارينە، مۇنداي ناتيجەلەرگە قول جەتكىزۋدە مەملەكەتتىڭ جۇيەلى قولداۋى ەرەكشە ءرول اتقارادى، - دەدى مارات قاسكەربايەۆ.

ونىڭ ايتۋىنشا اتالعان باعىتتا 2025-جىلى مينيسترلىك «دەنە شىنىقتىرۋ جانە سپورت تۋرالى» زاڭ جوباسىن ازىرلەدى. قۇجاتقا «مۇگەدەكتىگى بار سپورتشىنى سۇيەمەلدەۋشى» ۇعىمى ەنگىزىلدى. جاڭا زاڭنامالىق نورمالار سۇيەمەلدەۋشىلەردىڭ حالىقارالىق جارىستارعا قاتىسۋىنا بايلانىستى شىعىنداردى قارجىلاندىرۋعا مۇمكىندىك بەردى. سونىڭ ناتيجەسىندە بيىلعى ازيا پارا ويىندارىنا ۇلتتىق قۇراما سپورتشىلارىمەن بىرگە 37 سۇيەمەلدەۋشى قاتىسىپ جاتىر. ولار سپورتشىلاردىڭ جارىستارعا دايىندالۋىنا، حالىقارالىق دودالارعا قاتىسۋىنا جانە قاجەتتى قولداۋ الۋىنا جان-جاقتى كومەك كورسەتۋ ۇستىندە.

وسىعان دەيىن قازاقستان قۇراماسى ازيا پارا ويىندارىندا تاريحي جەتىستىككە جەتكەنى تۋرالى جازدىق.