ازيا دامۋ بانكىمەن ىنتىماقتاستىق نىعايا تۇسەدى - سەرىك جۇمانعارين

بۇل تۋرالى مەملەكەتتىك اكتيۆتەردى باسقارۋ كومپانيالارىنىڭ حالىقارالىق فورۋمىنىڭ (IPAF) سامميتىندە پرەمەر-ءمينيستردىڭ ورىنباسارى - ۇلتتىق ەكونوميكا ءمينيسترى سەرىك جۇمانعارين ءمالىم ەتتى.

- ولاردىڭ قاتارىنا ەكونوميكانىڭ ءتۇرلى سالالارىن دامىتۋعا جۇيەلى سەرپىن بەرۋگە قاۋقارلى ەۋروپالىق قايتا قۇرۋ جانە دامۋ بانكى مەن دۇنيەجۇزىلىك بانك توبى كىرەدى. IPAF تىڭ ينستيتۋتسيونالدىق تەڭ قۇرىلتايشىسى ءارى نەگىزگى سەرىكتەسى سانالاتىن ازيا دامۋ بانكىنىڭ ورنى ەرەكشە. 30-جىلدان استام ۋاقىتقا سوزىلعان تابىستى ىنتىماقتاستىق بارىسىندا ازيا دامۋ بانكى قازاقستاندا جالپى قۇنى 7,5 ميلليارد ا ق ش دوللارىنان اساتىن كوپتەگەن جوبانى جۇزەگە اسىردى،-دەدى سەرىك جۇمانعارين.

وسى ورايدا پرەمەر-ءمينيستردىڭ ورىنباسارى ا د ب- مەن سەرىكتەستىك نىعايا بەرەتىنىن اتاپ ءوتتى.

- 2029-جىلعا دەيىنگى ىنتىماقتاستىقتىڭ ستراتەگيالىق باعىتتارى مەن ءبىلىم جانە تاجىريبە الماسۋ باعدارلاماسى بەكىتىلدى، - دەدى س. جۇمانعارين.

ايتا كەتەيىك، بۇل جيىنعا 19 ەلدەن 200 گە جۋىق وكىل جانە 60 قا جۋىق ۇيىم قاتىسىپ جاتىر. IPAF - ازيا وڭىرىندەگى پروبلەمالىق اكتيۆتەردى باسقارۋ سالاسىنداعى مەملەكەتتىك ۇيىمداردى بىرىكتىرەتىن جەتەكشى حالىقارالىق الاڭ. ءسامميتتىڭ قازاقستاندا وتكىزىلۋى ەلىمىزدىڭ قارجى سەكتورىن ساۋىقتىرۋ جانە سترەستىك اكتيۆتەردى ءتيىمدى باسقارۋ باعىتىنداعى تاجىريبەسىن حالىقارالىق دەڭگەيدە تانىتۋعا مۇمكىندىك بەرەدى.

بۇعان دەيىن حابارلانعانداي، بۇگىندە مەملەكەتكە زاڭسىز شىعارىلعان 1,3 تريلليون تەڭگە كولەمىندەگى اكتيۆتەر قايتارىلدى.