ازەربايجاننىڭ ت ج م دارىگەرلەرى مەن قۇتقارۋشىلارى اقتاۋعا اتتاندى
استانا. KAZINFORM - ازەربايجان رەسپۋبليكاسىنىڭ پرەزيدەنتى يلحام اليەۆتىڭ تاپسىرماسىنا سايكەس ازەربايجان توتەنشە جاعدايلار مينيسترلىگىنىڭ تاجىريبەلى پسيحولوگتارى، دارىگەرلەرى مەن قۇتقارۋشىلارىنان قۇرالعان توپ اقتاۋعا اتتاندى، دەپ حابارلايدى قازاقپارات Trend-كە سىلتەمە جاساپ.
اتاپ وتىلگەندەي، ازەربايجان اۋە كومپانياسىنا تيەسىلى جولاۋشىلار ۇشاعى اپاتقا ۇشىراعاننان كەيىن توپ قاجەتتى قۇرال-جابدىقتارمەن قامتاماسىز ەتىلىپ، ت ج م-نىڭ «ب ە-200 ت ج» امفيبيا ۇشاعىمەن اقتاۋ قالاسىنا جونەلتىلدى.
Trend-تىڭ ۆەدومستۆوعا سىلتەمە جاساپ حابارلاۋىنشا، جۇكتەلگەن مىندەتتەرگە سايكەس مينيسترلىكتىڭ پسيحولوگتارى زارداپ شەككەندەرگە جەدەل پسيحولوگيالىق كومەك كورسەتەدى، قاجەت بولعان جاعدايدا دارىگەرلەر تاراپىنان مەديتسينالىق ارالاسۋ جۇرگىزىلىپ جاتىر.
مينيسترلىك قۇتقارۋشىلارى اپات بولعان اۋماقتا تا ءتيىستى شارالاردى قولعا الادى.
ەسكە سالساق، ازەربايجان ەلورداسى باكۋدەن رەسەيدىڭ گروزنىي قالاسىنا باعىت العان Azerbaijan Airlines ۇشاعى قازاقستان اۋماعىندا اپاتقا ۇشىرادى.
اقتاۋداعى ۇشاق اپاتىنىڭ حرونولوگياسى جاريالاندى.
اقتاۋداعى اۋە اپاتىنان مەرت بولعان قازاقستاندىقتار انىقتالدى.
كەيىننەن ۇشاق اپاتىنان قازا تاپقان قازاقستاندىقتاردىڭ وتباسىلارىنا قارجىلاي كومەك كورسەتىلەتىنى ايتىلدى.
اۆتور
زارينا تۋعانبايەۆا
