ازەربايجاننىڭ قاراباق جىلقىسى «ۇلى دالا جورىعى» مارافون- بايگەسىنە قاتىسادى

Жылқы
Фото: из открытых источников

استانا. KAZINFORM - رەسپۋبليكالىق «JORYQ» ات سپورتى فەدەراتسياسىنىڭ جەتەكشىسى باقىتجان تۇرلىبەكوۆ ازەربايجان رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى اعالار اتاموعلانوۆپەن كەزدەستى.

ق ر ۇلتتىق سپورت قاۋىمداستىعى ءمالىم ەتكەندەي، كەزدەسۋ بارىسىندا الەمدە تەڭدەسى جوق «ۇلى دالا جورىعى» بىرەگەي جوباسى جان-جاقتى تالقىلاندى.

ب. تۇرلىبەكوۆ ديپلوماتتى الداعى مارافون-بايگەگە دايىندىق بارىسىندا تىعىز ىنتىماقتاستىق ءۇشىن ازەربايجان رەسپۋبليكاسىنىڭ ات سپورتى فەدەراتسياسىمەن بايلانىس ورناتۋعا ىقپال ەتۋگە شاقىردى.

بۇعان جاۋاپ رەتىندە ازەربايجان ەلشىسى ات سپورتى فەدەراتسياسىنىڭ جوبالارىن، سونىڭ ىشىندە ازەربايجان شاباندوزدارىنىڭ، سونداي-اق الەمدەگى ەڭ مىقتى جىلقى تۇقىمدارى، ازەربايجاننىڭ ۇلتتىق سيمۆولىنا اينالعان قاراباق ارعىماقتارىنىڭ «ۇلى دالا جورىعى» مارافون-بايگەسىنە قاتىسۋىنا ىقپال جاسايتىنىن جەتكىزدى.

ەستەرىڭىزگە سالا كەتەيىك، V دۇنيەجۇزىلىك كوشپەندىلەر ويىندارى قارساڭىندا وتەتىن «ۇلى دالا جورىعى» بىرەگەي مارافون-بايگەسى بيىل پەتروپاۆلداعى ابىلاي حان رەزيدەنتسياسىنان باستالادى.

قازىرگى تاڭدا وبلىستاردا ايماقتىق ىرىكتەۋ تۋرلارى ءجۇرىپ جاتىر، ولاردىڭ جەڭىمپازدارى ۇلتتىق ىرىكتەۋ تۋرىنا جولداما الادى.

رەسپۋبليكالىق ىرىكتەۋ كەزەڭىندە ورناتىلعان ەڭ ۇزدىك جەتىستىكتەر قازاقستاننىڭ رەكوردتار كىتابىنا (KINES) ەنەدى.

اۆتوركۇنسۇلتان وتارباي

سوڭعى جاڭالىقتار