ازەربايجان وكىلدەرى ۇشاق اپاتىن تەرگەۋ ءۇشىن قازاقستانعا اتتاندى
استانا. KAZINFORM - پرەزيدەنت يلحام اليەۆتىڭ تاپسىرماسى بويىنشا وقيعانىڭ ءمان-جايىن تەرگەۋ ءۇشىن مەملەكەتتىك ورگانداردىڭ وكىلدەرى قازاقستانعا اتتاندى، دەپ حابارلايدى Kazinform.
- ازەربايجان رەسپۋبليكاسىنىڭ پرەزيدەنتى يلحام اليەۆتىڭ تاپسىرماسى بويىنشا سيفرلىق دامۋ جانە كولىك ءمينيسترى، توتەنشە جاعدايلار ءمينيسترى، باس پروكۋروردىڭ ورىنباسارى، دەنساۋلىق ساقتاۋ ءمينيسترىنىڭ ورىنباسارى، مەملەكەتتىك ازاماتتىق اۆياتسيا اگەنتتىگى ديرەكتورىنىڭ ورىنباسارى، AZAL ۆيتسە-پرەزيدەنتى مەن باسقا دا ءتيىستى مەملەكەتتىك ورگانداردىڭ وكىلدەرى وقيعا ورنىندا تەرگەۋ جۇمىستارىن جۇرگىزۋ ءۇشىن قازاقستاننىڭ اقتاۋ قالاسىنا اتتاندى، - دەپ جازدى Azertag.
ەسكە سالا كەتسەك، باكۋ-گروزنىي J2-8243 ءنومىرلى رەيسىن ورىنداعان Embraer 190 ۇشاعى اقتاۋ قالاسىنان 3 شاقىرىم جەردە اپاتتى جاعدايدا قوندى.
وقيعا ورنىنا ق ر توتەنشە جاعدايلار مينيسترلىگى جەكە قۇرامىنىڭ 52 ادامى مەن 11 بىرلىك تەحنيكاسى باردى.
اپاتقا ۇشىراعان ۇشاق بورتىندا قازاقستاننىڭ 6 ازاماتى بولدى.
ق ر پرەزيدەنتىنىڭ تاپسىرماسىمەن مەملەكەتتىك كوميسسيا قۇرىلدى.
