ازەربايجان قىتايمەن قورعانىس سالاسى بويىنشا ديالوگتى باستادى
استانا. KAZINFORM - باكۋ قازىرگى تاڭدا بۇل باعىتتى تاسىمال گەوگرافياسى مەن بىرلەسكەن ءوندىرىس بويىنشا قىزىعۋشىلىق تۋدىرۋى ىقتيمال پەرسپەكتيۆتى باعىت دەپ باعالاپ وتىر.
- ءبىز قورعانىس ونەركاسىبى بويىنشا ديالوگ ورناتۋدى باستادىق جانە بۇل پەرسپەكتيۆتى ۇدەرىس بولادى دەپ ويلايمىز، سەبەبى ازەربايجان ءوزىنىڭ قارۋلى كۇشتەرىن جاڭارتىپ جاتىر. ارينە، بىزگە تاسىمالدار گەوگرافياسى مەن بىرلەسكەن ءوندىرىس قىزىعۋشىلىق تۋدىرادى، - دەدى يلحام اليەۆ باكۋدە «جاڭا الەمدىك تارتىپكە» اتتى حالىقارالىق فورۋم قاتىسۋشىلارىمەن كەزدەسۋىندە.
ول سوزىندە باكۋ مەن بەيجىڭ 2024 -جىلى ستراتەگيالىق ارىپتەستىك تۋرالى دەكلاراتسياعا قول قويعانىن اتاپ ءوتتى. بۇل ەكىجاقتى قارىم-قاتىناستا وتە ماڭىزدى قادام بولىپ تابىلادى. سەبەبى قىتاي سياقتى الىپ مەملەكەتپەن سەرىكتەس بولۋ ءبىز ءۇشىن وتە ماڭىزدى، - دەدى ول.
ي. اليەۆ سونىمەن قاتار قىتايلىق كومپانيالار جاسىل ەنەرگەتيكانى قوسا العاندا ءتۇرلى باعىت بويىنشا ستراتەگيالىق سەرىكتەس رەتىندە شاقىرىلعان.
- ولاردىڭ كومانيالارى قوعامدىق كولىكتەردىڭ ەكولوگيالىق تازا قۇرالى رەتىندە سەرىكتەس دەپ دەپ تاڭدالدى. العاشقى ءوندىرىس بيىلعا جوسپارلانىپ وتىر. اتالعاندارمەن قوسا، قىتايلىق كومپانيالار ازەربايجاندا وزگە ەلدەردىڭ كومپانيالارىنىڭ قاتىسۋىمەن ورنالاستارىلىپ جاتقان كۇن پانەلدەرىن جەتكىزۋشى سانالادى.
سونىمەن قاتار كەيبىر قىتايلىق قومپانيالارمەن جاسىل ەنەرگەتيكاعا تىكەلەي ينۆەستيتسيا بويىنشا كەلىسسوزدەر جۇرگىزىپ جاتىرمىز، - دەدى مەملەكەت باسشىسى.
ي. اليەۆ سونىمەن قاتار ازەربايجاننىڭ قىتايمەن بىرلەسىپ كولىك شىعارۋ، ورتا ءدالىزدى، جۇك تاسىمالىن دامىتۋ سياقتى سالالاردا ىنتىماقتاسۋعا قىزىعۋشىلىق تانىتىپ وتىرعانىن اتاپ ءوتتى.
CGTN تەلەارناسىنا بەرگەن سۇحباتىندا ازەربايجان باسشىسى ورتا ءدالىز بويىنشا جۇك تاسىمالىنىڭ الداعى 5-6 جىلدا ەسەلەپ ارتاتىنىنا ءۇمىت ارتىپ وتىرعانىن اتاپ ءوتتى.
وسىعان دەيىن ازەربايجاننىڭ ترامپ كومانداسىنا USAID-تىڭ زاڭسىز ارەكەتتەرى تۋرالى فاكتىلەردى بەرگەنىن حابارلادىق.
