ازەربايجان مەن ارمەنيانىڭ شەكاراسىندا تاعى اتىس بولدى

استانا. KAZINFORM - ازەربايجان ارمەنيانى ناحچىۆان باعىتىنداعى پوزيتسيالارىن اتقىلادى دەپ ايىپتاسا، ەريەۆان بۇل مالىمدەمەنى جوققا شىعاردى.

ازەربايجان قورعانىس مينيسترلىگىنىڭ مالىمەتىنشە، ارمەنيا اۋماعىنان ناحچىۆان اۆتونوميالىق رەسپۋبليكاسى باعىتىنداعى پوزيتسيالارىنا وق اتىلعان.

«7-ءساۋىر كۇنى شامامەن ساعات 17:15 تە ارمەنيا قارۋلى كۇشتەرىنىڭ بولىمشەلەرى پاشالى اۋدانىنىڭ سۇلتانبەك ەلدى مەكەنى باعىتىندا ورنالاسقان پوزيتسيالاردان ازەربايجان اسكەرىنىڭ شاحبۋز اۋدانى شادا ەلدى مەكەنى باعىتىندا ازەربايجان اسكەرىنىڭ ناحچىۆان اۆتونوميالىق رەسپۋبليكاسى شاحبۋز اۋدانىنداعى شادا ەلدى مەكەنىندەگى پوزيتسيالارىنا وق اتىلدى»، - دەلىنگەن ۆەدومستۆو حابارلاماسىندا.

قورعانىس مينيسترلىگى مالىمدەمەسىندە ازەربايجان قارۋلى كۇشتەرىنىڭ جاۋاپ شارالارى قابىلدانعانى اتاپ كورسەتىلدى.

ارمەنيا تاراپى ازەربايجان پوزيتسيالارىن اتقىلاعانى تۋرالى اقپاراتتى جوققا شىعارادى.

«ازەربايجاننىڭ قورعانىس مينيسترلىگى جالعان اقپارات تاراتۋدى جالعاستىرۋدا. ازەربايجان قورعانىس مينيسترلىگىنىڭ 7-ءساۋىر كۇنى ساعات 17:15 تە ارمەنيا قارۋلى كۇشتەرىنىڭ بولىمشەلەرى شەكارالىق ايماقتىڭ وڭتۇستىك-باتىس بولىگىندە ورنالاسقان ازەربايجان پوزيتسيالارىنا وق جاۋدىردى دەگەن حابارى شىندىققا جاناسپايدى»، - دەلىنگەن ارمەنيا قورعانىس مينيسترلىگىنىڭ مالىمدەمەسىندە.

ەسكە سالا كەتسەك، 31-ناۋرىزدا ازەربايجان ارمەنيانى بايلانىس شەبىنە اسكەري تەحنيكا جينادى دەپ ايىپتادى. ەريەۆان بۇل مالىمدەمەلەردى جوققا شىعاردى.

2-ساۋىردە ازەربايجان مەن ارمەنيا شارتتى شەكارا ۋچاسكەلەرىندە ءبىر-ءبىرىنىڭ پوزيتسيالارىن اتقىلاعانىن مالىمدەدى.