ازاپتاۋ مەن قاتىگەزدىككە قارسى كۇرەس

  بىلتىر قۇزىرلى ورگاندارعا قۇقىق قورعاۋ قىزمەتكەرلەرىنەن ءجابىر كورگەن 5 مىڭ ادامنان ارىز تۇسكەن. ولار سوققىعا جىعىلاپ، پسيحولوگيالىق قىسىمعا دۋشار بولعاندارىن ايتىپ شاعىمدانعان.

مۇنداي قاتىگەزدىكپەن كۇرەسۋ ءۇشىن ەلىمىزدە كەشەندى رەفورمالار قولعا الىنىپ، جاڭا زاڭ جوباسى ازىرلەنۋدە. ايتا كەتەيىك، ەلىمىزدە 30 مىڭعا جۋىق ادام تەمىر توردىڭ ار جاعىندا جازاسىن وتەپ جاتىر. وتكەن جىلدىڭ سوڭىندا ەلوردادا جەدەل ىزدەستىرۋ باسقارماسىنىڭ 4 پوليتسيا قىزمەتكەرىنە قاتىستى سوت ۇكىمى شىقتى. ولار جابىرلەنۋشىنى قىلمىسىن مويىنداتۋ ءۇشىن ۇرىپ- سوققان. سوت شەشىمىمەن ولاردىڭ ۇشەۋى 4 جىل، بىرەۋى 3 جىل 6 ايعا باس بوستاندىعىنان ايىرىلدى.

ەرقانات تامايەۆ، استانا قالالىق پروكۋراتۋراسىنىڭ باسقارما پروكۋرورى:

- سوت وتىرىسىنا ۆيدەوبايلانىس ارقىلى پوليتسيا دەپارتامەنىتىنىڭ 50 دەن استام قىزمەتكەرى قاتىسىپ وتىردى. بۇنىڭ نەگىزگى ماقساتى، مۇنداي «ازاپتاۋ» فاكتىلەرى الداعى ۋاقىتتا ورىن الماۋ ماقساتىندا جاسالىپ وتىر. سەبەبى وزدەرىنىڭ بىرگە ىستەگەن ارىپتەستەرىنىڭ سوتتالۋشى ورىندىعىندا وتىرىپ باس بوستاندىعىنان ايىرۋ جازاسىن الىپ جاتقاندىعى تۋرالى كورسەتىلىمدە بولدى. ادامعا ءجابىر كورسەتكەندەرگە جازا قاتال.

ءماجىلىس قابىرعاسىندا ازاپتاۋعا قاتىستى زاڭ جوباسى قارالىپ جاتىر. جۇمىس توبىنىڭ جەتەكشىسىنىڭ ايتۋىنشا، جاڭا قۇجات ادامنىڭ قادىر-قاسيتىن قورلايتىن ارەكەتتەردىڭ الدىن الۋعا مۇمكىندىك بەرەدى.

ابزال قۇسپان، ق ر پارلامەنتى ءماجىلىسىنىڭ دەپۋتاتى:

- ازاپقا سالۋ فاكتىسى بويىنشا اۋىر جانە اسا اۋىر ىستەر كاتەگورياسىنا جاتادى. ياعني، ءبىر ادام ازاپتاعان بولسا ول اۋىر قىلمىس ساناتىنا جاتقىزىلادى، ال ول ۇيىمداسقان توپ بولىپ ارەكەت ەتكەن بولسا، تۇرمەنىڭ باسشىلىعى بىرلەسە ارەكەت ەتكەن بولسا اسا اۋىر ساناتتاعى قىلمىستارمەن ءىستى بولادى. سوتتالعان ازاماتتار وزدەرىنىڭ ارىزدارىن بەرۋگە مۇمكىندىك بەرەتىن اپپاراتتار ورنالاستىرىلعان. سول اپپاراتقا بارىپ، ءوزى تۋرالى مالىمەتتى ەنگىزىپ، تىكەلەي جولداي الادى. قوعامدىق باقىلاۋ كوميسسياسى دەگەن بار. اتالعان كوميسسيا تۇزەۋ مەكەمەسىنە كەز كەلگەن ۋاقىتتا بارىپ، سوتتالعان ازاماتتىڭ جاعدايىن تەكسەرە الادى. شاعىمىن تىڭدايدى.

دەرەكتەرگە سۇيەنسەك، بىلتىر قۇقىق قورعاۋ ورگاندارىنىڭ 45 قىزمەتكەرى «ءىستى بولعاندارعا قىسىم كورسەتتى» دەگەن كۇدىككە ىلىنگەن. ولاردىڭ 12 ءسى باس بوستاندىعىنىن ايىرىلدى.

ارتۋر لاستايەۆ، ق ر ادام قۇقىقتارى جونىندەگى ۋاكىل:

- بىلتىرعى جىلدىڭ 10 ايىنىڭ وزىندە بىزگە 5 مىڭنان استام ارىز-شاعىم كەلىپ ءتۇستى. بۇل 2021 -جىلمەن سالىستىرعاندا 3 ەسە كوپ، 2022 -جىلدىڭ كورسەتكىشىنەن دە جوعارى. ءبىز مۇنى ايماقتىق وكىلدىكتەردىڭ اشىلعانىمەن بايلانىستىرامىز. ءبىز حالىققا جاقىنداي تۇستىك. وڭىرلەردەگى وكىلدەر كۇن سايىن جەكە قابىلداۋلار وتكىزەدى. بۇل-ينستيتۋتتىڭ ازاماتتىق قوعام مەن مەملەكەتتىك ورگانداردى بىرىكتىرۋدەگى باستى ءرولى. ەلىمىز ازاپتاۋلار مەن باسقا دا قاتىگەز ارەكەتتەرگە قارسى قابىلدانعان ىستانبۇل حاتتاماسىنا قوسىلعاننان كەيىن ومبۋدسمەندەردىڭ قۇزىرەتى كەڭەيدى. ادام قۇقىقتارىن قورعاۋعا باعىتتالعان كەشەندى رەفورمالاردى ىسكە اسىرۋدا قوعامدىق ۇيىمداردا دا ۇلەسى زور.

سالتانات تۇرسىنبەكوۆا، ادام قۇقىقتارى جونىندەگى ۇلتتىق ورتالىقتىڭ باسشىسى:

- شتاتتىق بىرلىك 12 ادام بولاتىن. ال قازىر 105 ادامعا جەتتى. بارلىق 20 وڭىردە ارنايى وكىلدىكتەر اشىلدى. حالىقتىڭ كەڭىنەن وسىنداي ۋاكىلدىڭ بار ەكەنىن وعان شاعىمدانۋعا بولادى ەكەنىن ساياسي رەفورمانىڭ ءبىر ۇلكەن اسەرى حالىقتىڭ ءۇنىن - مۇڭىنى سول جاققا بارىپ ەستيدىك بولدىق. زايىرلى مەملەكەتتە قاتىگەزدىكتىڭ بارلىق تۇرىنە قاتاڭ تىيىم سالىنادى. قازاقستان بۇل باعىتتا حالىقارالىق حاتتامالارعا قوسىلىپ، زاڭنىڭ ۇستەمدىگىن ارتتىرۋ تەتىكتەرى شيراپ كەلەدى.

www.24.kz