ازات پەرۋاشيەۆ: ادىلەت مينيسترلىگى جەمقورلاردى شەتەلگە شىعارماۋ تۋرالى نورماعا قارسى شىقتى

استانا. KAZINFORM - ءماجىلىس دەپۋتاتى ازات پەرۋاشيەۆ سىبايلاس جەمقورلىقپەن كۇرەستى جەتىلدىرۋگە ارنالعان زاڭ جوباسىن تالقىلاۋ كەزىندە حالىقتىڭ قارجىسىن جىمقىرعانداردى شەتەلگە شىعارماۋدى ۇسىندى.

Азат Перуашев
Фото: Виктор Федюнин / Kazinform

- كاپيتالدى قايتارۋ جۇمىستارىنىڭ تاجىريبەسى كورسەتتى، شەتەلگە شىعۋعا تىيىم سالۋ جەمقورلىققا توسقاۋىل بولاتىن بىردەن- ءبىر ءتاسىل بولا الار ەدى. سەبەبى ءىرى سىبايلاس جەمقورلار اقشانى كونۆەرتپەن المايدى. ارينە، ولار وففشورلىق ايماقتارعا شىعارىلادى. وسىلاي جىلىستاتىلعان اقشانىڭ ءىزىن اشۋ وڭاي ەمەس. ءبىزدىڭ مەملەكەتتىك ورگاندار، ءتىپتى قارجىلىق مونيتورينگ اگەنتتىگىنىڭ وففشوردا جەمقورلاردىڭ قانشا اقشاسى بار ەكەنىن بىلمەيدى. سوندىقتان بۇل جولداستار ءتىپتى ۇستالاتىنىن بىلە تۇرىپ تاۋەكەلگە بارادى. ءبىراق بەلگىلى ءبىر مەرزىمگە سوتتالادى دا، ءبىرازدان كەيىن شارتتى تۇردە بوساتىلادى نە جازاسى ايىپپۇلعا اۋىستىرىلادى. وسىدان كەيىن ميللياردتاعان اقشاسىمەن تابىسادى، - دەدى ول.

دەپۋتات بۇل ماسەلەنى «اقجول» فراكسياسى 2017 - جىلدان بەرى كوتەرىپ كەلە جاتقانىن ەسكە سالدى.

- زاڭ اياسىندا ءتىپتى جازاسىن وتەپ شىققان سىبايلاس جەمقورلاردىڭ وزىنە شەتەلگە شىعۋعا تىيىم سالۋ كەرەكتىگىن بىرنەشە رەت ۇسىندىق. سوندا عانا ولار وففشورلىق ايماقتاردا حالىقتان ۇرلانعان ميللياردتاعان اقشاسىن الاڭسىز پايدالانا المايدى. ەگەر ولار وسىندا تۇرۋعا ءماجبۇر بولسا، بۇل اقشانى ەلگە قايتارۋعا ءماجبۇر بولادى. وكىنىشكە قاراي، 2017 - جىلدان بەرى مەملەكەتتىك ورگاندار بۇل تۇزەتۋدى ءالى كۇنگە دەيىن قولدامادى. ءتىپتى ول ۇسىنىسىمىزعا قىلمىستىق ءىس جۇرگىزۋ كودەكسى تۋرالى باسقا زاڭ جوباسى اياسىندا ۇكىمەتتىڭ وڭ قورىتىندىسى الىندى. ءبىراق ادىلەت مينيسترلىگى ۇسىنىستى قولداعان باسقا مەملەكەتتىك ورگاندارعا قارسى شىعىپ، جۇمىس توبى كەشە بۇل نورمانى قابىلداۋدى كەيىنگە قالدىردى، - دەدى ازات پەرۋاشيەۆ.

ۇلان سارقۇلوۆ ۇسىنىستى دەپۋتاتتارمەن بىرگە جۇمىس توبىندا تالقىلاۋعا دايىن ەكەنىن ايتقان. ءبىراق دەپۋتات ا. پەرۋاشيەۆ اگەنتتىك وكىلىنەن اتالعان ۇسىنىسقا قاتىستى جەكە پىكىرىن ايتۋدى سۇرادى.

- ءسىز تاجىريبەلى دەپۋتاتسىز. ونداي شەشىمدى مەنىڭ جالعىز ءوزىم قابىلداي المايتىنىن بىلەسىز. سوندىقتان بىرگە تالقىلايىق دەپ وتىرمىن، - دەدى اگەنتتىك ءتوراعاسىنىڭ ءبىرىنشى ورىنباسارى.

ايتا كەتەيىك، ءماجىلىستىڭ جالپى وتىرىسىندا سىبايلاس جەمقورلىققا قارسى ءىس- قيمىل ماسەلەلەرى جونىندەگى زاڭ جوباسى تالقىلانىپ جاتىر.

سوڭعى جاڭالىقتار