15:29, 11 - قىركۇيەك 2024 | GMT +6
ازات پەرۋاشەۆ پارتياداعى ورىنباسارى ۇستالعانىن راستادى
استانا. KAZINFORM - ۇلتتىق قاۋىپسىزدىك كوميتەتى «اق جول» پارتياسى ءتوراعاسىنىڭ ورىنباسارى دميتري ۆاسيليەۆتىڭ ۇستالعانىن راستادى. بۇل تۋرالى جۋرناليستەرگە اتالعان پارتيانىڭ ءتوراعاسى ازات پەرۋاشەۆ ايتتى.
«كەشە پارتيالاسىم دميتري ۆاسيليەۆتىڭ ۇستالعانى تۋرالى رەسمي جاۋاپ (ۇلتتىق قاۋىپسىزدىك كوميتەتىنەن) الدىق. ونىڭ ادۆوكاتتارىمەن بايلانىسقا شىعۋعا تىرىستىق، الايدا حابارلاسۋ مۇمكىن بولمادى. سوندىقتان ادۆوكاتتاردىڭ بەرگەن جاۋابىنان كەيىن ءىستىڭ ءمان-جايىن انىقتايمىز»، - دەدى ا. پەرۋاشەۆ پارلامەنت ماجىلىسىندە تىلشىلەر سۇراعىنا جاۋاپ بەرە وتىرىپ.
ونىڭ ايتۋىنشا، دميتري ۆاسيليەۆتىڭ قاي باپ بويىنشا ۇستالعانى تۋرالى ناقتى اقپارات جوق.
وسى جاعداي بويىنشا تاياۋ ارادا پارتيانىڭ سايتىندا قوسىمشا اقپارات بەرىلەدى.
