ازاماتتار ءۇي كەزەگىن 10-15 جىلداپ كۇتپەۋى كەرەك - قانات شارلاپايەۆ
ونەركاسىپ جانە قۇرىلىس ءمينيسترى قانات شارلاپايەۆ ەلدەگى تۇرعىن ءۇي كەزەگىنە قاتىستى پىكىر ءبىلدىردى، دەپ حابارلايدى قازاقپارات ءتىلشىسى.
«بىرىنشىدەن، قايتىس بولعاندار تۋرالى. ولاردىڭ ءۇي كەزەگىندە تۇرعانى انىقتالدى. بۇل فاكت تەكسەرۋدى قاجەت ەتەدى. مىسالى، ەگەر ادام قايتىس بولسا، ونىڭ ءۇي كەزەگى زاڭدى تۇردە مۇراگەرىنە بەرىلەدى. ءۇي كەزەگىن وڭتايلاندىرۋ ماقساتىندا وتكەن اپتادا ۇكىمەت زاڭناماعا تۇزەتۋلەر ەنگىزىپ، ولار ماجىلىسكە جىبەرىلدى. سونداي- اق، ءبىزدىڭ مينيسترلىك ءۇي كەزەگىن باسقارۋ پروتسەسىن ۇلتتىق دامۋ ينستيتۋتىنا بەرۋدى جوسپارلاپ وتىر»، - دەدى قانات شارلاپايەۆ ۇكىمەت وتىرىسىنان كەيىن وتكەن باسپا ءسوز ءماسليحاتىندا.
بۇعان دەيىن ونەركاسىپ جانە قۇرىلىس مينيسترلىگى قۇجاتتاردى تاپسىرۋ كەزىندە قاتەلىك جىبەرگەن 233 مىڭ ادام تۇرعىن ءۇي كەزەگىنەن شىعارىلاتىنىن حابارلاعان ەدى.
«قازىر ەڭ كوپ تالقىلاناتىن نۇسقا - «وتباسى بانكى». ءۇي كەزەگى بويىنشا اكىمشىلىكپەن اينالىسادى. بۇل كەزەككە تۇرۋ پروتسەسى تولىعىمەن سيفرلاندىرىلادى. ءبىز تۇرعىن ءۇيدى كەزەكتە تۇرعاندارعا تاراتاتىن تۇرعىن ءۇي كوميسسيالارى سياقتى بارلىق شەشىمدەردەن باس تارتقىمىز كەلەدى. تۇسىنىكتى ءارى ناقتى ەرەجەلەردىڭ بولعانىن قالايمىز. مىسالى، ءبىز قابىلدايتىن تۇزەتۋلەردىڭ ءبىرى ادامداردىڭ 20 جىل تۇرعىن ءۇي كەزەگىندە تۇرماۋى. كەلەسى ءبىر تۇزەتۋ ءبىر جىل ىشىندە الدىمەن باسىم توپتاردى تۇرعىن ۇيمەن قامتۋ. ادامدار ءۇي كەزەگىن 10-15 جىلداپ كۇتپەۋى كەرەك»، - دەيدى ۆەدومستۆو باسشىسى.
