گازادان تۇتقىنداردىڭ بەسىنشى توبىن بوساتۋ باستالدى

گازا سەكتورىندا پالەستينالىق حاماس توبى قىزىل كرەست حالىقارالىق كوميتەتىنىڭ (ح ق ك ك) وكىلدەرىنە تۇتقىنعا الىنعان ادامداردىڭ بەسىنشى لەگىن تاپسىرۋ پروتسەسىن باستادى. بۇل تۋرالى «ال-كاحيرا ال-يحباريا» تەلەارناسىنا سىلتەمە جاساپ تاسس جازدى، دەپ حابارلايدى قازاقپارات. 

تەلەارنانىڭ مالىمەتىنشە، بۇل - گۋمانيتارلىق ءبىتىم تۋرالى كەلىسىم كۇشىنە ەنگەلى بەرگى بوستاندىققا جىبەرىلىپ جاتقان تۇتقىنداردىڭ بەسىنشى توبى. بۇل جولى 10 ادامدى ەركىنە قويا بەرۋ جوسپارلانعان.

مىسىر مەن كاتاردىڭ ارالاسۋىنان كەيىن يزرايلدىك كۇشتەر مەن پالەستينالىق قارسىلاسۋ جاساقتارىنىڭ گازا سەكتورىنداعى ۋاقىتشا ءبىتىم تۋرالى كەلىسىمىن تاعى ەكى كۇنگە سوزۋعا مۇمكىن بولدى. كەلىسىم مەرزىمى وتكەن كۇنى اياقتالۋى ءتيىس ەدى.

وسىدان ءبىرشاما ۋاقىت بۇرىن حاماس پالەستينالىق قوزعالىسىنىڭ اسكەري قاناتى - «يززەددينا ال- كاسساما بريگاداسىنىڭ» وكىلى ابۋ ۋبايدا مالىمدەمە جاساپ، «قارسىلاستار ءبىتىم كەلىسىمىن ۇستاناتىن بولسا»، ولار دا سوعان بەيىلدى ەكەنىن اتاپ ءوتتى. ونىمەن قوسا، ول اراعايىن وكىلدەرىن يزرايلگە قىسىم جاساپ، «اۋاداعى جانە جەردەگى ءبىتىم تۋرالى كەلىسىمنىڭ بارلىق شارتتارىن ۇستانۋعا» شاقىرۋعا ۇندەدى.

جوسپار بويىنشا، تۇتقىندار بۇعان دەيىنگى مامىلەگە سايكەس بوساتىلادى، ياعني ەركىندىككە جىبەرىلگەن ءاربىر يزرايلدىك ءۇشىن - ءۇش پالەستينالىق تۇتقىن.