گازاداعى اتىستى توقتاتۋ. يزرايل دەلەگاتسياسى قاتارعا باردى
استانا. KAZINFORM - يزرايل دەلەگاتسياسى گازا سەكتورىندا كەپىلگە الىنعانداردى بوساتۋ جانە اتىستى توقتاتۋ تۋرالى كەلىسىم بويىنشا كەلىسسوزدەر جۇرگىزەدى.
بۇل تۋرالى Kazinform اگەنتتىگى The Times of israel-عا سىلتەمە جاساپ حابارلايدى.
The Times of israel اقپارات كوزىنىڭ حابارلاۋىنشا، يزرايل دەلەگاتسياسىنىڭ قۇرامىندا تساحال، شاباك جانە موسساد وكىلدەرى بار.
بۇعان دەيىن Kan تەلەارناسى يزرايل مەن حاماس قازىرگى ۋاقىتتا تاراپتار تالقىلاپ جاتقان كەلىسىمنىڭ گۋمانيتارلىق كەزەڭى اياسىندا كەپىلگە الىنعانداردى بىرتىندەپ بوساتۋ تۋرالى كەلىسىمگە كەلگەنىن حابارلاعان.
دەلدالداردىڭ پىكىرىنشە، كەپىلگە الىنعانداردى بوساتۋمەن شەكتەلگەن مامىلەگە قول جەتكىزۋ اقىر سوڭىندا بارلىق كەپىلگە الىنعانداردى بوساتۋ، سوعىستى توقتاتۋ جانە يزرايل اسكەرلەرىن شىعارۋدى قامتيتىن تولىق كەلىسىمگە اكەلۋى مۇمكىن.
قاتار بۇعان دەيىن يزرايل مەن حاماس اراسىنداعى دەلدالدىقتى توقتاتتى.
ايتا كەتەيىك، يزرايلدىڭ گازا سەكتورىنا جاساعان اۋە شابۋىلىنان 46 پالەستينالىق قازا تاپقانى حابارلاندى.
