گازادا قازىرگە دەيىن قازا تاپقان پالەستينالىقتاردىڭ سانى بەلگىلى بولدى

استانا. KAZINFORM - حاماس باقىلاۋىنداعى دەنساۋلىق ساقتاۋ مينيسترلىگى بەيسەنبى كۇنى يزرايلدىڭ ۇزدىكسىز شابۋىلدارى ناتيجەسىندە گازا سەكتورىندا قازا تاپقان پالەستينالىقتاردىڭ سانى 31341 گە جەتكەنىن حابارلادى.

مالىمدەمەدە يزرايل ارمياسىنىڭ سوڭعى 24 ساعاتتا 69 پالەستينالىقتى ءولتىرىپ، 110 ىن جارالاعانى، يزرايل مەن حاماس اراسىنداعى قاقتىعىس باستالعاننان بەرى جالپى قازا بولعاندار سانى - 31341، جارالىلار سانى 72023 كە جەتكەنى اتاپ كورسەتىلدى.

ۆەدومستۆونىڭ حابارلاۋىنشا، قارقىندى بومبالاۋ جانە ازاماتتىق قورعانىس پەن جەدەل جاردەم بريگادالارىنىڭ جەتىسپەۋىنەن ادامدار ءالى دە ءۇيىندى استىندا قالىپ وتىر.

يزرايل 2023 -جىلدىڭ 7-قازانىندا 1200گە جۋىق ادامدى ءولتىرىپ، 200 دەن استام ادامدى كەپىلگە العان حاماس-قا قارسى اۋقىمدى شابۋىل جاسادى.

اۆتور
ەركەجان سماعۇلوۆا