گازا سەكتورىنىڭ سولتۇستىگىندە بارلىق بايلانىس ءتۇرى ءوشىپ قالدى
پالەستينالىق Paltel تەلەكوممۋنيكاتسيا كومپانياسىنىڭ حابارلاۋىنشا، جەلى ينفراقۇرىلىمىنىڭ ىستەن شىعۋىنا بايلانىستى گازا سەكتورىنىڭ سولتۇستىگىندە بايلانىستىڭ بارلىق ءتۇرى ءوشىپ قالدى.
Kazinform اگەنتتىگى بۇل تۋرالى يزرايلدىك Yedioth Ahronoth باسىلىمىنا سىلتەمە جاساپ حابارلادى
Paltel اقپاراتىنا سايكەس، گازا قالاسىندا جانە بۇكىل پالەستينا انكلاۆىنىڭ سولتۇستىگىندە «نەگىزگى جەلىنىڭ زاقىمدانۋىنا» بايلانىستى ستاتسيونارلىق، ۇيالى جانە ينتەرنەت بايلانىسى قىزمەت كورسەتۋىن تولىق توقتاتادى.
تاياۋ شىعىستاعى جاعداي 7- قازاندا گازا سەكتورىنان پالەستينالىق حاماس قوزعالىسى سودىرلارىنىڭ يزرايل اۋماعىنا ەنۋىنەن كەيىن كۇرت ناشارلادى.
راديكالدار بۇل شابۋىلدى يزرايل بيلىگىنىڭ يەرۋساليمدەگى ءال-اقسا مەشىتىنە قارسى ارەكەتىنە جاۋاپ دەپ اتادى. يزرايل گازا سەكتورىن تولىق قورشاۋعا العانىن جاريالاپ، وعان جانە ليۆان مەن سيريانىڭ كەيبىر ايماقتارىنا سوققى بەرە باستادى. قاقتىعىس باتىس جاعالاۋدا دا بولىپ جاتىر.
