گازا سەكتورىنىڭ دەنساۋلىق ساقتاۋ مينيسترلىگى: تاۋلىك ىشىندە 700 ادام مەرت بولدى
يزرايل قورعانىس اسكەرى گازا سەكتورىنىڭ وڭتۇستىگىندەگى حان-يۋنيس جانە رافاح اۋداندارىندا، سونىمەن قاتار سولتۇستىكتەگى ءبىرقاتار اۋداندا حاماس اسكەرىنە قارسى اۋە جانە قۇرلىق ارقىلى شابۋىلىن جالعاستىردى. Kazinform بۇل تۋرالى Euronews-كە سىلتەمە جاساپ حابارلايدى.
گازا دەنساۋلىق ساقتاۋ مينيسترلىگىنىڭ مالىمەتىنشە، كەيىنگى تاۋلىكتە كەمىندە 700 ادام، ال شيەلەنىس باستالعالى 15500 دەن استام ادام قازا تاۋىپ، 40 مىڭنان اسا تۇرعىن جاراقات العان. بۇل دەرەكتەر ازىرگە تاۋەلسىز تەكسەرىستەن وتكەن جوق.
حاماس قوزعالىسىنىڭ اسكەرى، «يسلام جيھادى» مەن «حەزبوللاح» يزرايل اۋماعىنا زىمىراندارمەن شابۋىل جاساپ جاتىر. ءيزرايلدىڭ سولتۇستىگىندە 11 ادام جاراقات الدى، ونىڭ 8 ى - اسكەري قىزمەتكەر.
ب ۇ ۇ باعالاۋىنشا، گازا سەكتورىنىڭ %75 تۇرعىنى ءۇيىن تاستاپ كەتۋگە ءماجبۇر بولدى. جەكسەنبى كۇنى س ا ح ا ل حان-يۋنيس پەن قالا ماڭىندا ەۆاكۋاتسياعا جاتاتىن ايماقتى كەڭەيتتى. ءبىرقاتار ب ا ق يزرايل اسكەرى قۇرلىق وپەراتسياسىن باستاعانىن حابارلادى.
يزرايل قورعانىس اسكەرى گازا سەكتورىنداعى وپەراتسيا باستالعالى حاماس اسكەرىنىڭ 800 دەن استام جەراستى تۋننەلى انىقتالىپ، جارتىسىنان كوبى جويىلعانىن ايتتى.
قاتار ۇكىمەتى جەكسەنبى كۇنى ۋاقىتشا بىتىمگە كەلۋ جانە تولىقتاي وق جاۋدىرۋدى توقتاتۋ ءۇشىن بىتىمگەر بولۋدى جالعاستىراتىنىن ءمالىم ەتتى.
اۆتور
ايدار وسپاناليەۆ
