گازا سەكتورىندا قازا تاپقان پالەستينالىقتاردىڭ سانى 33 مىڭنان استى
استانا. KAZINFORM - گازا سەكتورىنىڭ دەنساۋلىق ساقتاۋ مينيسترلىگى بەيسەنبى كۇنى يزرايلدىڭ ۇزدىكسىز شابۋىلدارى ناتيجەسىندە انكلاۆتا قازا تاپقان پالەستينالىقتاردىڭ سانى 33 مىڭنان اسقانىن حابارلادى.
بۇل تۋرالى شينحۋا اگەنتتىگى جازدى.
ۆەدومستۆونىڭ مالىمدەمەسىنە سايكەس، سوڭعى تاۋلىكتە يزرايلدىك اسكەريلەر شابۋىلىنان 62 پالەستينالىق كوز جۇمعان، تاعى 91 ءى جارالانعان. وسىلايشا، 2023-جىلدىڭ 7-قازانىنان بەرى يزرايل مەن حاماس قوزعالىسى اراسىنداعى قاقتىعىستان گازا سەكتورىندا قازا تاپقانداردىڭ جالپى سانى 33037 ادامعا، جارالانعاندار سانى 75668 گە جەتتى.
بۇل ارادا پالەستينانىڭ الەۋمەتتىك دامۋ ءمينيسترى ساماح ابۋ اۋن يزرايلدىڭ انكلاۆتى ۇزدىكسىز اتقىلاۋىنان 14861 دەن استام بالانىڭ قازا تاپقانىن جانە گازادا 17000 عا جۋىق بالانىڭ جەتىم قالعانىن ايتتى.
«گازانىڭ سولتۇستىگىندە اشتىقتان قازا تاپقاندار سانى كەم دەگەندە 30 ادامعا جەتتى»، - دەدى مينيستر.
