08:12, 21 - اقپان 2024 | GMT +6
گازا سەكتورىندا قازا تاپقان پالەستينالىقتاردىڭ سانى 29195 كە جەتتى
استانا. kazinform - وتكەن جىلدىڭ 7- قازانىنان بەرى يزرايلدىڭ شابۋىلدارى سالدارىنان گازا سەكتورىندا قازا تاپقان پالەستينالىقتاردىڭ سانى 29195 كە جەتىپ، 69170 ءى جارالاندى. بۇل تۋرالى سەيسەنبىدە گازادا ورنالاسقان دەنساۋلىق ساقتاۋ مينيسترلىگى حابارلادى.
شينحۋا اگەنتتىگىنىڭ حابارلاۋىنشا، گازا سەكتورىندا سوڭعى 24 ساعات ىشىندە يزرايل اسكەريلەرىنىڭ شابۋىلدارى سالدارىنان 103 پالەستينالىق قازا تاۋىپ، تاعى 142 ءسى جارالانعان.
مينيسترلىك جەدەل جاردەم بريگادالارىنىڭ جەتىسپەۋشىلىگىنەن كەيبىر زارداپ شەككەندەر ءالى دە يزرايل شابۋىلىنان قيراعان ۇيىندىلەر استىندا ەكەنىن قوسا كەتتى.
IDF گازاداعى شايقاستا العان جاراقاتى سالدارىنان 22 جاستاعى ساربازدىڭ قازا تاپقانىن حابارلادى. وسىلايشا قاقتىعىس كەزىندە قازا تاپقان يزرايل اسكەريلەرىنىڭ سانى 236 عا جەتتى.
