11:30, 29 - قازان 2024 | GMT +6
گازا سەكتورىندا كوز جۇمعاندار سانى 43 مىڭنان استى
استانا. KAZINFORM - گاز سەكتورىنىڭ دەنساۋلىق ساقتاۋ مينيسترلىگى تاراتقان مالىمەتكە قاراعاندا، 2023 -جىلدىڭ 7-قازانىنان بەرى يزرايل ارمياسىنىڭ بلوكاداداعى گازا سەكتورىنا جاساعان شابۋىلدارىنان قۇربان بولعاندار سانى 43020 ادامعا جەتتى. ال جارالانعاندار سانى 101110 ادامدى قۇراعان، دەپ حابارلايدى يراندىق ي ر ن ا اگەنتتىگى.
«تەك سوڭعى تاۋلىكتە يزرايل ارمياسىنىڭ شابۋىلىنان 96 پالەستينالىق كوز جۇمىپ، تاعى 277 ادام جارالاندى»، - دەپ تاراتتى يرنا گازا سەكتورىنىڭ مينيسترلىگىنە سىلتەمە جاساپ.
ەسكە سالساق، حاماس گازا سەكتورى بويىنشا كەلىسىمگە كەلۋگە دايىن ەكەنىن حابارلادى. سونىمەن قاتار مىسىر كەپىلگە الىنعان ءتورت ادامدى بىرنەشە پالەستينالىق تۇتقىنعا ايىرباستاۋدى ۇسىندى.
