ايگىلى «ۇيدە جالعىز قالعاندا» فيلمى تۇسىرىلگەن ءۇي ساتىلىمعا شىقتى
استانا. KAZINFORM - «ۇيدە جالعىز قالعاندا» فيلمىندەگى ماككالليستەر وتباسىنىڭ ءۇيى ساتىلىمعا شىعارىلدى.
جاڭا جىلدىق مەرەكەدە بالالاردىڭ عانا ەمەس، ۇلكەندەردىڭ دە سۇيىكتى كينوسىنا اينالعان تۋىندىداعى ءۇي تۋرالى اقپارات كىم-كىمنىڭ بولماسىن قىزىعۋشىلىعىن تۋدىراتىنى انىق.
چيكاگو ماڭىنداعى اۋىلدا ورنالاسقان ەكىقاباتتى شاتىرلى ءۇي 5,25 ميلليون دوللارعا باعالانىپ وتىر. جارناما Zillow سايتىندا جاريالانعان.
اۋدانى 848 شارشى مەتردى قۇرايتىن ساراي 2018 -جىلى زاماناۋي ۇلگىدە جوندەۋدەن وتكەن.
بۇرىنعى قوجايىندار كۋلتكە اينالعان فيلمدەگى دۇنيەلەردى ساقتاپ قالۋعا تىرىسقان.
«ادەمى فويە، كىرەبەرىس باسپالداقتارى، قوناق بولمە جانە اس بولمەلەرىنىڭ ءپىشىنى مەن قۇرىلىمى ءىس جۇزىندە وزگەرگەن جوق»، - دەلىنگەن لوتتىڭ سيپاتتاماسىندا.
ۇيدە ۇلكەن اس بولمە، قويما، كۇننىڭ نۇرى تۇسەتىن وتباسىلىق بولمە، كامينى بار ەكراندى كىرەبەرىس، سپورت زالى، كينوتەاتر جانە زاماناۋي قۇرىلعىلارمەن جابدىقتالعان كوپتەگەن بولمەلەر بار ەكەن.
توبەنىڭ بيىكتىگى شامامەن 3,2 مەترگە جەتەدى. رەزيدەنتسيادا كۇتىمى جاقسى باق بار.
ساراي تەمىر قاقپالارمەن قورشالعان.
ءۇي 1921 -جىلى سالىنعان. وسى ۋاقىت ىشىندە سارايدىڭ ءتورت يەسى بولدى.
ءۇي سوڭعى رەت 2012 -جىلى 1,58 ميلليون دوللارعا ساتىلعان.
