18:25, 08 - ءساۋىر 2024 | GMT +5
ايتىسكەر اقىن اينۇر تۇرسىنبايەۆا سۋدان زارداپ شەككەن ءوڭىر حالقىنا قارجىلاي كومەكتەستى
استانا. KAZINFORM - ايتىسكەر اقىن اينۇر تۇرسىنبايەۆا سۋدان زارداپ شەككەن ءوڭىر تۇرعىندارىنا قارجىلاي كومەكتەستى.
بۇل تۋرالى ايتىسكەر الەۋمەتتىك جەلىدەگى پاراقشاسىندا جازدى.
«توپان سۋ باسىپ جاتقان ايماقتارداعى حالىقتىڭ جاعدايىنا الاڭداپ وتىرمىز. ءبىزدىڭ كۇشىمىز بىرلىكتە! بۇل قيىندىقتان دا امان وتەمىز. پرەزيدەنتىمىز بارلىق شىعىن وتەلەتىنىن ايتىپ جاتىر. ازاماتتار امان بولسا وسى جەرلەردە كەرەمەت قالاشىقتار بوي كوتەرىپ، ارتى توي بولاتىنىنا سەنەمىز! وتباسىمىزدىڭ اتىنان 5 ميلليون قارجى بەرىپ جاتىرمىز. اللا قالاسا بالالار كيىمدەرى، پامپەرس، تاعى باسقا كەرەك جاراقتاردى الىپ ءار ايماققا تەڭدەي ءبولىپ تاراتاتىن بولامىز! ەلىمىزگە اللا جار بولسىن!»، - دەپ جازدى ول.
