گايتيدەگى قىرعىندا جۇزدەن اسا ادام قازا تاپتى

استانا. KAZINFORM - قاندى قىرعىن گايتيدەگى سيتە-سولەي ەلدى-مەكەنىندە بولعان. Wharf Jeremie باندىسىنىڭ جەتەكشىسى «بالامدى دۋالادى» دەپ ايىپتاپ، جەرگىلىكتى قارت تۇرعىنداردى قىرىپ سالعان، دەپ جازادى DW.

جەكسەنبى، 8-جەلتوقساندا ادام قۇقىقتارىن قورعاۋ بويىنشا ۇلتتىق جەلىسى (RNDDH) حابارلاعانداي، سيتە-سولەي ەلدى مەكەنىندە Wharf Jeremie بانداسىنىڭ قولىنان 110 ادام قازا تاپقان.

فەليكس بالاسى اۋىرعان كەزدە ۆۋدۋ ءدىني قىزمەتكەرىنەن كەڭەس سۇراعان. ول جەرگىلىكتى تۇرعىنداردى «بالانى دۋالادى» دەپ ايىپتاعان. ارتىنشا فەليكس سيتە-سولەيدە تۇراتىن قارتتاردى قىرىپ سالۋعا بۇيرىق بەرگەن.

سويىل، سونداي-اق پىشاقپەن قارۋلانعان توپ مۇشەلەرى جۇمادا 60 ادامدى، سەنبىدە 50 ادامدى ولتىرگەن. RNDDH مالىمەتتەرى بويىنشا بارلىق قۇربانداردىڭ جاسى 60 تان اسقان. فەليكستىڭ بالاسى سەنبى كۇنى تۇستەن كەيىن قايتىس بولدى.

ايتا كەتەيىك، 2022-جىلى مونەل «ميكانو» فەليكسكە كورشى دومينيكان رەسپۋبليكاسىنا كىرۋگە تىيىم سالىنعان. بىرىككەن ۇلتتار ۇيىمىنىڭ (ب ۇ ۇ) مالىمەتىنە سايكەس، 2024-جىل قازان ايىندا Wharf Jeremie باندىسىنىڭ سانى 300 ادامدى قۇراعان.

ەل استاناسى پورت-و-پرەنس پورتىنا جاقىن ورنالاسقان سيتە-سولەي ەلدى مەكەنى - گايتيدەگى ەڭ كەدەي جانە ەڭ قاۋىپتى ايماقتاردىڭ ءبىرى. ساياسي الاۋىزدىققا ۇشىراعان ەل بيلىگى استانا مەن ونىڭ اينالاسىنداعى قارۋلى توپتارمەن كۇرەس جۇرگىزىپ جاتىر.

2022-جىلى ەل ۇكىمەتى جەرگىلىكتى پوليتسياعا كومەكتەسۋ ءۇشىن حالىقارالىق كومەك سۇراعان، الايدا 2023-جىلى ب ۇ ۇ قاۋىپسىزدىك كەڭەسى بەكىتكەن ميسسيا ساياساتىنا ساي، جارتىلاي عانا كومەك ۇسىنىلعان. ايتارلىقتاي رەسۋرستارمەن قامتاماسىز ەتىلمەي وتىر.

ايتا كەتەيىك، گايتيدەگى قىلمىسكەرلەردىڭ جارتىسى - بالالار. بۇل تۋرالى UNICEF بايانداماسىندا ايتىلعان.