ايەلىن ۇردى دەپ ايىپتالعان قازاقستاندىق ديپلوماتقا قىلمىستىق ءىس قوزعالدى

Фото: Instagram\nemolchikz_official
Фото: Instagram\nemolchikz_official

استانا. KAZINFORM - بۇعان دەيىن قازاقستاننىڭ ب ا ءا- دەگى ەلشىلىكتىڭ كەڭەسشىسى ساكەن ماماش ايەلىنە ۇنەمى كۇش كورسەتەتىنى، ءتىپتى جۇبايىنىڭ اپكەسىنە دە قول كوتەرگەنى تۋرالى اقپارات تاراعان ەدى.

استانا قالاسىنىڭ پوليتسيا دەپارتامەنتى وسى وقيعاعا قاتىستى رەسمي مالىمدەمە جاسادى.

«بۇل فاكتى بويىنشا قىلمىستىق ءىس قوزعالدى. ساراپتاما تاعايىندالدى، تەرگەۋ ءجۇرىپ جاتىر. تەرگەۋ مۇددەسى ءۇشىن وزگە اقپارات جاريا ەتىلمەيدى» دەلىنگەن رەسمي مالىمەتتە.

ەستەرىڭىزگە سالساق، قازاقستاننىڭ ب ا ءا- دەگى ەلشىلىكتىڭ كەڭەسشىسى ساكەن ماماشتىڭ جۇبايى كارينا ماماش 10 جىل بويى زورلىق-زومبىلىق كورىپ كەلە جاتقانىن مالىمدەگەن بولاتىن.

«ماعان فيزيكالىق، جىنىستىق، ەموتسيونالدىق، تۇرمىستىق زورلىق كورسەتتى. كۇيەۋىمنىڭ ماعان جاساعان بارلىق قياناتى ءۇشىن ديپلوماتيالىق مارتەبەسىنەن ايىرىپ، تۇرمەگە جابىلعانىن قالايمىن»، - دەگەن ەدى ول.

ق ر سىرتقى ىستەر مينيسترلىگى زارداپ شەككەن قازاقستاندىقتىڭ ب ا ءا- دەن وتانىنا ورالۋىنا كومەكتەستى.

كارينا قازاقستانعا بالالارىمەن بىرگە ۇشىپ كەلگەن. ونىڭ اناسى مەن اپكەسى دە داعدارىس ورتالىعىنا ورنالاستىرىلعان.

سوڭعى جاڭالىقتار