ايەلى مەن ءتورت بالاسىن ءولتىردى دەگەن كۇدىكپەن ەر ادام ۇستالدى
قايعىلى وقيعا 25- جەلتوقسان كەشكە مو قالاسىندا بولدى. كۇدىكتى كەلەسى كۇنى كورشى دەپارتامەنتتە قولعا ءتۇسىرىلدى.
Kazinform بۇل تۋرالى Euronews-كە سىلتەمە جاساپ حابارلايدى.
فرانسۋز پوليتسياسى سەيسەنبى كۇنى ايەلى جانە 9 اي مەن 10 جاس ارالىعىنداعى ءتورت بالاسىن ءولتىردى دەگەن كۇدىكپەن 33 جاستاعى ەر ادامدى ۇستاعانىن ءمالىم ەتتى.
قايعىلى وقيعا 25- جەلتوقسان كەشكە مو قالاسىندا، سەنا جانە مارنا دەپارتامەنتىندە بولعان.
دابىلدى قۇربانداردىڭ تۋىستارى مەن كورشىلەرى قاقتى. كورشىلەردىڭ ءبىرى ەدەن مەن ەسىكتىڭ تۇتقاسىنان قان ىزدەرىن كورگەننەن كەيىن پوليتسياعا حابارلاسقانىن ايتتى.
كۇدىكتىنى ىزدەۋ ءتۇنى بويى جانە سەيسەنبى تاڭەرتەڭ جالعاستى. ول سەناعا كورشىلەس سەن-دەني دەپارتامەنتىندە قولعا ءتۇستى. ول 2019-جىلى دا ايەلىن پىشاقپەن جاراقاتتاعان، ءبىراق ول كەزدە قىلمىستىق ءىس قوزعالماپتى.
سونداي-اق كۇدىكتى 2017-جىلدان بەرى كۇيزەلىس پەن پسيحيكالىق بۇزىلىس سالدارىنان دارىگەرلەردىڭ باقىلاۋىندا ەكەنى بەلگىلى بولدى.
