ايەلى ەكەۋى باتا بەردى: ديماش قۇدايبەرگەن شي جينپيڭمەن قالاي تانىسقانىن ايتىپ بەردى

 سونداي-اق ونەر يەسى قىتاي باسشىسىنىڭ ومىرىندە قانداي ادام ەكەنىن دە ايتتى.

ق ر حالىق ءارتىسى، ءانشى ديماش قۇدايبەرگەن ق ح ر ءتوراعاسى شي جينپيڭمەن جۇزدەسكەن ءساتتى ەسىنە الدى.

«مەن شي جينپيڭ مىرزامەن العاش رەت 2017 -جىلى «I am a Singer» جوباسىنان كەيىن كەزدەسكەن ەدىم. ءان ايتىپ بولعاننان كەيىن، ماعان ول كىسى كەلىپ، ونەرىم مەن شىعارماشىلىعىما جوعارى باعاسىن بەردى. ءتىپتى باتا بەرىپ، ەرەكشە اسەرگە بولەدى. ايەلى دە مەنىڭ جۇمىسىمدى باقىلاپ جۇرەتىنىن ايتىپ، ەرەكشە اسەرلەندىردى. ول كەزدەسۋ مەن ءۇشىن وتە قۋانىشتى جاعداي ەدى. مەن پرەزيدەنتتەرگە ارتىلعان جۇكتىڭ اۋىر ەكەنىن تۇسىنەمىن. ەكى ەلدىڭ دوستىعىنا وراي، ەكى ءان جازعانىم ەسىمدە. ءبىرىنشى ءان قىتايشا، ەكىنشىسى قازاقشا جازىلدى»، - دەپ جەتى جىل بۇرىنعى وقيعانى ەسىنە الدى ءانشى.

سونداي- اق ونەر يەسى قىتاي باسشىسىنىڭ ومىرىندە قانداي ادام ەكەنىن دە ايتتى.

«بىردەن بايقاعانىم - ول كىسى رۋحاني تۇرعىدا كەمەلدەنگەن ادام. ءاندى تولىققاندى تۇسىنۋگە تىرىسىپ، سەزىنىپ، تولعانادى. جالپى وتە مادەنيەتتى كىسى ەكەنى بىردەن اڭعارىلادى»، - دەپ جاۋاپ قاتتى حالىق ءارتىسى.

Skifnews.kz