ايەلدەردى قاناعان قىلمىستىق توپ كىنالى دەپ تانىلدى
استانا. KAZINFORM - شوتلانديادا قاناۋ جانە ادام ساۋداسى ءۇشىن بەس ادام سوتتالدى.

شوتلانديانىڭ داندي قالاسىندا سەكسۋالدى قاناۋ، ادام ساۋداسى جانە ەسىرتكى ساۋداسىنا قاتىستى تەرگەۋ ناتيجەسىندە ءتورت ەر ادام مەن ءبىر ايەل سوتتالدى.
— 37 جاستاعى ماريان كۋمپاناسۋ، 34 جاستاعى رەمۋس ستەن، 44 جاستاعى كاتالوندىق دوبرە، 41 جاستاعى كريستيان ۋرلاتەان جانە 34 جاستاعى الەكساندرا بۋگونەيا گلازگوداعى جوعارعى سوتتا ءبىرقاتار قۇقىق بۇزۋشىلىقتار ءۇشىن كىنالى دەپ تانىلدى، - دەپ حابارلادى شوتلانديا پوليتسياسى.
ۆەدومستۆوداعىلار بەس قىلمىسكەرگە قاتىستى ۇكىم كەيىنىرەك جاريالاناتىنىن ءتۇسىندىردى.
تەرگەۋ 2021-جىلدىڭ سوڭىندا شوتلاندياداعى ادام ساۋداسى مەن سەكسۋالدى قاناۋشىلىقپەن كۇرەسۋ ءۇشىن باستالعان پوليتسيانىڭ ءىرى وپەراتسياسىنىڭ ءبىر بولىگى بولدى.
Sky News-كە بەرگەن سۇحباتىندا دەتەكتيۆ ينسپەكتور سكوتت كارسۋەلل باندانىڭ قۇربانداردى مانيپۋلياتسيالاۋ ءۇشىن ەسىرتكى پايدالانعانىن ايتتى. ايەلدەردىڭ مىنەز-قۇلقىن باقىلاۋ جانە قايتىپ ورالۋى ءۇشىن تىيىم سالىنعان زاتتارعا تاۋەلدى ەتكەن.
العاشىندا تەرگەۋ دانديدەگى جەزوكشەلەر ءۇيى جەلىسىنە جانە رۋمىنيادان ۇلى بريتانياعا ايەل ساۋداسى كۇدىگىنە قاتىستى باستالعان. 2022-جىلدىڭ جازىندا قۇقىق قورعاۋ ورگاندارى قىلمىستىق توپتىڭ دانديدە تۇراتىن وسال ايەلدەردى ارنايى نىساناعا الا باستاعانى تۋرالى اقپارات الدى.
بۇعان دەيىن ستوۋنحەندج تاستارىنىڭ ءبىرى شوتلانديادان 750 شاقىرىم جەردەن تاسىمالدانعانىن جازعانبىز.